اتوم ەنەرگەتيكاسىنىڭ ارتىقشىلىقتارى قانداي؟
پارلامەنت ءماجىلىسىنىڭ دەپۋتاتى نيكيتا شاتالوۆ حالىقتىق شتاب الاڭىندا قازاقستاننىڭ اتوم ەلەكتر ستانسياسىن (اەس) سالۋ قاجەتتىلىگى تۋرالى نەگىزگى سۇراقتارعا جاۋاپ بەردى. ول اەس-تىڭ ءداستۇرلى كومىر جانە بۋ گەنەراتورلارىنان ارتىقشىلىعى، سونداي-اق ۇزاق مەرزىمدى پەرسپەكتيۆادا ەلىمىزگە قانداي پايدا اكەلەتىنىن ءتۇسىندىردى، دەپ حابارلايدى aqshamnews.kz.
اتوم ەنەرگەتيكاسىنان ەلدەر نەگە باس تارتپايدى؟
كوپتەگەن ادامدار قازىرگى تاڭدا ەلدەر اتوم ەنەرگەتيكاسىنان باس تارتىپ جاتقانىن ايتىپ جاتادى. الايدا بۇل ولاي ەمەس. دەپۋتات نيكيتا شاتالوۆ بۇل پىكىردى تەرىسكە شىعاردى:
"كوپتەگەن ەلدەر، كەرىسىنشە، 2050 جىلعا دەيىن اتوم ەنەرگەتيكاسىن ۇلعايتۋ جونىندە مەموراندۋمعا قول قويدى. الەم اتوم ەنەرگەتيكاسىنان باس تارتۋ ءۇردىسىن ۇستانبايدى. شىن مانىندە، اتوم ەنەرگەتيكاسىن ءۇش ەسە ۇلعايتۋ جوسپارلانۋدا، جۇڭگو دا بەيبىت اتومدى قولدانۋدى ارتتىرماقشى. ەگەر ءبىز اتوم رەاكتورىنان، بەيبىت اتومنان باس تارتۋ پروسەسىن كورگەن بولساق، مۇنداي اۋقىمدى قۇرىلىس بولماس ەدى"، – دەپ اتاپ ءوتتى شاتالوۆ.
اتوم ەنەرگەتيكاسى — قازاقستان ءۇشىن تۇراقتى ەنەرگيا كوزىنە قول جەتكىزۋ مەن ەكونوميكالىق دامۋ ءۇشىن ۇزاق مەرزىمدى شەشىم. ەلدىڭ ەنەرگەتيكالىق قاۋىپسىزدىگىن قامتاماسىز ەتۋ مەن ەكولوگيالىق تۇرعىدان تازا تەحنولوگيالاردى ەنگىزۋ — باستى ماقساتتاردىڭ ءبىرى.
قازاقستاننىڭ بولاشاعى ءۇشىن اەس جوباسىن قولداۋ — تۇراقتىلىق پەن دامۋعا نەگىز بولماق!