استانا قالالىق فيليالىنىڭ «بايتاق» جاسىلدار پارتياسىنىڭ ءتوراعاسى شىڭعىس لەپسىبايەۆ اتوم ەنەرگياسى كليماتتىڭ وزگەرۋىمەن كۇرەستە ماڭىزدى ءرول اتقاراتىنىن اتاپ ءوتتى.
لەپسىبايەۆتىڭ ايتۋىنشا، اتوم ەنەرگەتيكاسى – تازا ەنەرگيا ءوندىرۋدىڭ ءتيىمدى ءتاسىلى. بۇل ءادىس كومىرقىشقىل گازىنىڭ شىعارىلىمىن ايتارلىقتاي ازايتىپ، جاھاندىق جىلىنۋدىڭ سالدارىن جەڭىلدەتۋگە مۇمكىندىك بەرەدى.
«اتوم ەنەرگەتيكاسى ەكولوگيالىق تۇراقتىلىقتى قامتاماسىز ەتۋدە ماڭىزدى شەشىمدەردىڭ ءبىرى بولىپ تابىلادى. كليماتتىڭ وزگەرۋىمەن كۇرەسۋدە بىزگە كومىرتەگى شىعارىندىلارىن ازايتۋعا كومەكتەسەتىن سەنىمدى جانە ءتيىمدى ەنەرگيا كوزدەرى قاجەت، ال اتوم ەنەرگياسى – وسى ماقساتقا قول جەتكىزۋدىڭ ايقىن جولى»، – دەدى شىڭعىس لەپسىبايەۆ.