قاتەرلى ىسىككە شالدىققان ادامدار ۇزاق ۋاقىت بويى بەلگىلەردى سەزبەۋى مۇمكىن. سوندىقتان ونى ەرتە انىقتاۋ وتە ماڭىزدى، بۇل اۋرۋدىڭ الدىن الۋ مۇمكىندىگىن ايتارلىقتاي ارتادى. بۇل تۋرالى ونكولوگى يۋليا پونكراتوۆا ءتۇسىندىردى، - دەپ حابارلايدى aqshamnews.kz ءتىلشىسى.
كىمدەرگە تەكسەرىلگەن ءجون؟
"تەكسەرۋ جىل سايىن باقىلاۋ اياسىندا دا، الاڭداتاتىن بەلگىلەر پايدا بولعاندا دا جۇرگىزىلۋگە ءتيىس"، - دەيدى مامان.
دارىگەرگە مىندەتتى تۇردە قارالۋ كەرەك بەلگىلەر:
- سەبەپسىز شارشاۋ، السىزدىك؛
- تەز شارشاۋ؛
- لەزدە ارىقتاپ كەتۋ؛
- دەنە تەمپەراتۋراسىنىڭ سەبەپسىز كوتەرىلۋى؛
- تەرى ءتۇسىنىڭ بوزارۋى؛
- بەلگىلى ءبىر ايماقتا مەزگىل‑مەزگىل پايدا بولاتىن اۋىرسىنۋلار.
ءسۇت بەزى (مامموگرافيا)
"ءسۇت بەزىنىڭ قاتەرلى ىسىگىن انىقتاۋدا ەڭ ناتيجەلى زەرتتەۋ - مامموگرافيا"، - دەپ تۇسىندىرەدى يۋ. پونكراتوۆا.
40 جاستان اسقان ايەلدەرگە مامموگرافيانى ءار 2 جىل سايىن ءوتۋ ۇسىنىلادى. ال گەنەتيكالىق بەيىمدىلىگى بارلار جىل سايىن تەكسەرىلگەن ءجون.
پسا (پروستاتا‑سپەسيفيكالىق انتيگەن)
ەر ادامدارعا پروستاتا بەزىنىڭ جاسۋشالارى شىعاراتىن پسا دەڭگەيىن تەكسەرۋ 45، 50، 55، 60 جانە 64 جاسىندا ۇسىنىلادى. پسا كورسەتكىشىنىڭ ءوسۋى پروستاتانىڭ قاتەرلى ىسىگىنەن حابار بەرۋى مۇمكىن.
ىشەك قاتەرلى ىسىگى - قانعا تالداۋ (يممۋنوحيميالىق ءادىس) جانە كولونوسكوپيا
40–64 جاستاعى ادامدارعا بۇل تالداۋدى ءار 2 جىلدا ءبىر جاساتۋ، ال 65–75 جاس ارالىعىندا - جىل سايىن جاساۋ ۇسىنىلادى.
جاتىر موينى قاتەرلى ىسىگىن انىقتاۋ - Pap‑تەست (ونكوسيتولوگيا)
جاتىر مويىنى ىسىگىن ەرتە انىقتاۋدا سەنىمدى ءادىس - Pap‑تەستى. بۇل جاتىر موينى مەن سەرۆيكالدىق كانالدان الىنعان جاسۋشالاردىڭ سيتولوگيالىق زەرتتەۋى. مىندەتتى قارالاتىن كەزەڭدەر: 25–49 جاس ارالىعىندا - ءار 3–5 جىل سايىن، 50 جاستان اسقاننان كەيىن - ءار 5 جىل سايىن.
كومپيۋتەرلىك توموگرافيا (كت) جانە ماگنيتتىك‑رەزونانستى توموگرافيا (مرت)
كت مەن مرت - ىسىكتەردى انىقتاۋدا ماڭىزدى ءرول اتقارادى، الايدا ولاردى دا دارىگەر رۇقساتىمەن تاعايىنداۋ قاجەت. بۇل زەرتتەۋلەر ىسىكتىڭ مولشەرى، ورنالاسۋى جانە تارالۋىن باعالاۋعا كومەكتەسەدى.