قازاقستاندا 14 مىڭنان استام شەتەلدىك ازامات رەسمي تۇردە ەڭبەك ەتىپ ءجۇر، دەپ حابارلايدى Aqshamnews.kz ءتىلشىسى.
1 قازانداعى مالىمەت بويىنشا، جەرگىلىكتى اتقارۋشى ورگانداردىڭ رۇقساتى نەگىزىندە ەلىمىزدە 14 666 شەتەل ازاماتى جۇمىس ىستەپ جاتىر.
قازىرگى تاڭدا قازاقستان اۋماعىندا شەتەلدىك جۇمىس كۇشىن پايدالاناتىن 1 896 جۇمىس بەرۋشى ۇيىم بار. بۇل كاسىپورىنداردا جالپى 339 مىڭنان اسا قازاقستاندىق ەڭبەك ەتەدى، ولار قىزمەتكەرلەردىڭ 96 پايىزىن قۇرايدى.
شەتەلدىك ازاماتتار ەڭ كوپ جۇمىس ىستەيتىن سالالار:
-
قۇرىلىس – 4 799 ادام
-
اۋىل، ورمان جانە بالىق شارۋاشىلىعى – 3 065 ادام
-
تاۋ-كەن ونەركاسىبى جانە كارەرلەردى قازۋ – 1 187 ادام
-
وڭدەۋ ونەركاسىبى – 1 085 ادام
ەڭبەك ميگرانتتارىنىڭ نەگىزگى كەلۋ ەلدەرى:
-
جۇڭگو – 5 330 ادام
-
وزبەكستان – 2 682 ادام
-
تۇركيا – 1 046 ادام
-
ءۇندىستان – 1 012 ادام
ستاتيستيكاعا سۇيەنسەك، شەتەلدىك جۇمىسشىلاردىڭ باسىم بولىگى ينفراقۇرىلىمدىق جانە تابيعي رەسۋرستاردى يگەرۋ سالالارىنا تارتىلعان.