الماتى قالاسى ورتالىق قالالىق كلينيكالىق اۋرۋحاناسىنىڭ وفتولمولوگيا ءبولىمى مەڭگەرۋشىسى گۇلزات ءابدىرايىموۆا كۇردەلى كوز اۋرۋى سالدارىنان كورۋ قابىلەتى ناشارلاعان ەكى ناۋقاسقا كوزدىڭ قاساڭ قابىعىن اۋىستىرۋ وتاسىن جاسادى.
ءبىرىنشى ناۋقاس، 1983 جىلى تۋعان، بۇرىن كوزدىڭ ورتالىق قاساڭ قاباتىنا ەنە كىرگەن جاراقات الىپ، سالدارىنان كوزدىڭ كورۋ قابىلەتىنەن ايىرىلعان.
ەكىنشى ناۋقاسقا ءبۋللوزدى كەراتوپوتياعا، قاساڭ قاباقتىڭ كۇردەلى وزگەرىسى، ياعني كوزدىڭ قاراۋىتۋى جانە كورۋ قابىلەتىنىڭ تومەندەۋىنە سەبەپ بولعان جاناما كەراتوپاتيا وتاسى جاسالعان.
ەكى وتا دا ءساتتى اياقتالدى. قاساڭ قابىققا جاسالعان وتادان كەيىن ەكى ناۋقاستىڭ دا كورۋ قابىلەتى جاقسارعان، ال ول ادام ءومىر ءسۇرۋ ساپاسىنا ايتارلىقتاي اسەر ەتەدى. دارىگەر ءابدىرايىموۆانىڭ ايتۋىنشا، قاساڭ قاباقتى اۋىستىرۋ قازىرگى ۋاقىتتا قاساڭ قاباقتاعى كورۋ قابىلەتىن ناشارلاۋ سالدارىن جويۋعا مۇمكىندىك بەرەتىن بىردەن ءبىر وتا بولىپ تابىلادى.
قازىرگى زامانعى ميكروحيرۋرگيالىق تەحنولوگيا وسىنداي كۇردەلى وتالاردى اسقان دالدىكپەن جانە وتادان كەيىنگى اسقىنۋلارسىز وتكىزۋگە مۇمكىندىك بەرەدى.
ايتا كەتەرلىك جايت، بۇعان دەيىن ورتالىق قالالىق كلينيكالىق اۋرۋحانا بازاسىندا التى ناۋقاستىڭ ءومىرىن ساقتاپ قالۋعا كومەكتەسكەن مۋلتياعزالىق دونورلىق پروسەسستەر جۇرگىزىلدى.
1962 جىلعى ايەل ادام ولىمىنەن كەيىن دونور بولا الدى.
ايەل ادامنىڭ تۋىستارىنىڭ رۇقساتىنىڭ كومەگىمەن بىرنەشە ومىرگە ماڭىزدى اعزالاردى ترانسپلانتاسيالاۋعا مۇمكىندىك بەرىلدى: جۇرەگى - 1988 جىلى تۋىلعان ناۋقاسقا، باۋىرى - 1982 جىلعى ناۋقاسقا، وڭ جاق بۇيرەك- 1996 جىلى تۋعان ناۋقاسقا، سول جاق بۇيرەگى - 2017 جىلدان بەرى ترانسپلانتاسيانى كۇتكەن 1966 جىلعى ناۋقاسقا بەرىلدى. سونىمەن قاتار قاساڭ قابىعى 1983 جىلى جانە 1956 جىلى تۋىلعان ەكى ناۋقاسقا بەرىلدى.
پروسەستى ۇيىمداستىرۋ مەن باقىلاۋ ق ر دسم قاراستى رەسپۋبليكالىق ترانسپلانتاسيا جانە جوعارى تەحنولوگيالىق مەديسينالىق قىزمەتتەر ورتالىعى مەن الماتى قالاسىنىڭ جەتەكشى ترانسپلانتاسيا ورتالىعى - كارديولوگيا جانە ىشكى اۋرۋلار عىلىمي زەرتتەۋ ورتالىعىمەن، سىزعانوۆ اتىنداعى حيرۋرگيالىق ۇلتتىق عىلىمي زەرتتەۋ ورتالىعىمەن جانە ورتالىق قالالىق كلينيكالىق اۋرۋحانامەن بىرىگىپ جۇرگىزىلدى.
دونوردىڭ جاس ەرەكشەلىگىنە قاراماستان دارىگەرلەر اعزالاردىڭ جاقسى جاعدايدا ەكەندىگىن جانە ءارى قاراي دا جاقسى قىزمەت اتقارا الاتىندىعىن اتاپ ءوتتى. بۇل جاعداي دونورلىقتىڭ ۇلكەن ادامگەرشىلىكتىڭ جانە ادام ءومىرىن ساقتاپ قالۋ مەن دەنساۋلىعىن جاقسارتۋداعى ماڭىزدى شەشىم ەكەندىگىنىڭ دالەلى بولدى.
بۇل ورتالىق قالالىق كلينيكالىق اۋرۋحاناداعى وسى جىلدا جاسالعان ەكىنشى قاساڭ قاباقتى اۋىستىرۋ وتاسى.
سول كەزدە، ماۋسىم ايىندا جاناما كەراتوپلاستيكاعا جاسالعان وتا ءبۋللوزدى كەراتوپاتيا جانە كوزدىڭ قاراۋىتۋىنان ارىلىپ، كورۋ قابىلەتىن قايتارۋعا مۇمكىندىك بەردى.