قاراعاندى قالاسىندا 12 قاباتتى تۇرعىن ۇيدە بولعان ءورت سالدارىنان ەر ادام كوز جۇمدى، دەپ حابارلايدى Aqshamnews.kz ءتىلشىسى.
قاراعاندى وبلىسى توتەنشە جاعدايلار دەپارتامەنتىنىڭ مالىمەتىنشە، ءورت بەسىنشى قاباتتاعى پاتەردە شىعىپ، جيھاز بەن تۇرمىستىق زاتتار جانعان.
قۇتقارۋشىلاردىڭ كۇشىمەن پودەزدەگى پاتەرلەردەن ارنايى قۇتقارۋ قالپاقتارىنىڭ كومەگىمەن 8 ادام، ونىڭ ىشىندە 5 بالا امان شىعارىلدى.
سونداي-اق باسپالداق ارقىلى 15 ادام ەۆاكۋاسيالانعان. الايدا ءورت سالدارىنان 1997 جىلى تۋعان ەر ادام تۇتىنگە ۋلانىپ، قايتىس بولدى.
ەۆاكۋاسيالانعان تۇرعىنداردى جىلىتۋ ءۇشىن كوشەدە ارنايى «ۆاحتوۆكا» كولىگى جۇمىلدىرىلدى.
ءورت 5 شارشى مەتر اۋماقتا ءسوندىرىلدى. قازىرگى ۋاقىتتا وقيعانىڭ سەبەپتەرى انىقتالىپ جاتىر.