6 قاڭتاردا شىمكەنت – الماتى اۆتوجولىندا ءتورت كولىكتىڭ قاتىسۋىمەن جاپپاي جول-كولىك وقيعاسى بولدى، دەپ حابارلايدى Aqshamnews.kz ءتىلشىسى Otyrar-عا سىلتەمە جاساپ.
الدىن الا مالىمەتتەرگە سايكەس، اپاتتىڭ نەگىزگى سەبەبى قولايسىز اۋا رايى بولعان. تاڭعى ۋاقىتتا وڭىردە اۋا رايى كۇرت ناشارلاپ، جولدى قويۋ تۇمان باسقان. سونىڭ سالدارىنان كورىنۋ قاشىقتىعى ايتارلىقتاي تومەندەگەن.
جول اپاتى سالدارىنان ەكى ادام ءتۇرلى جاراقات الىپ، مەديسينالىق كومەككە جۇگىنگەن.
تۇركىستان وبلىسىنىڭ پوليسيا قىزمەتكەرلەرى شىمكەنت – تۇركىستان جانە الماتى – تاراز باعىتتارىمەن جۇرەتىن جۇرگىزۋشىلەردى جول قوزعالىسى ەرەجەلەرىن قاتاڭ ساقتاۋعا، ءقاۋىپسىز اراقاشىقتىقتى ۇستانۋعا، جىلدامدىقتى اسىرماۋعا جانە قاۋىپسىزدىك بەلدىگىن تاعۋعا شاقىردى.