قاراعاندى وبلىسىندا ءتورت كەنشى قازا تاپتى

شاحتادا اپات بولدى.

قاراعاندى وبلىسى، شاحتينسك قالاسىندا لەنين اتىنداعى شاحتادا اپات بولدى. ناتيجەسىندە 4 كەنشى كوز جۇمدى، دەپ حابارلايدى Almaty-akshamy.kz قازاقپاراتقا سىلتەمە جاساپ.

3 قاراشا كۇنى ساعات 3.03-تە «ارسەلور ميتتال تەمىرتاۋ» اق كومىر دەپارتامەنتىنىڭ لەنين اتىنداعى شاحتاسىندا اپات بولدى.

«وقيعا بولعان كەزدە شاحتادا 106 قىزمەتكەر بولدى، 101 ادام جەر بەتىنە كوتەرىلدى. 5 ادام (باعانالى بولىك جۇمىسكەرلەرى) كوتەرۋ تورلارىنىڭ جۇمىس ىستەۋى ءۇشىن قالدى»، دەپ مالىمدەدى اكىمدىكتە.

قازىرگى ۋاقىتتا شاحتانىڭ 4 قىزمەتكەرىنىڭ دەنەسى تابىلدى، 4 ادام جەر بەتىنە شىعارىلعان سوڭ شاحتينسك قالاسىنىڭ ورتالىق اۋداندىق اۋرۋحاناسىنا جاتقىزىلدى.

وقيعا ورنىندا وبلىس اكىمى، قالا باسشىسى جانە كومپانيا جەتەكشىلەرى، «كومىر» ءاققق اۆاريالىق-قۇتقارۋ قىزمەتى جۇمىس ىستەپ جاتىر.

ورىن العان وقيعاعا بايلانىستى پوليسيا ماماندارى قىلمىستىق ءىس قوزعادى. 

«وقيعا ورنىندا قاراعاندى وبلىسى پوليسيا دەپارتامەنتىنىڭ جەدەل-تەرگەۋ توپتارى جۇمىس ىستەپ جاتىر. قازىرگى ۋاقىتتا بارلىق قاجەتتى تەرگەۋ ارەكەتتەرى جۇرگىزىلۋدە»، - دەپ حابارلادى قاراعاندى وبلىسى پد باسپا ءسوز قىزمەتى.