كوڭىل ايتۋ جەدەلحاتىن جولدادى.
قازاقستان پرەزيدەنتى قاسىم-جومارت توقايەۆ «ارسەلورميتتال تەمىرتاۋ» اق شاحتاسىندا قازا تاپقان جۇمىسشىلاردىڭ وتباسىلارىنا كوڭىل ايتتى، دەپ حابارلايدى Almaty-akshamy.kz اقوردانىڭ باسپا ءسوز قىزمەتىنە سىلتەمە جاساپ.
قاسىم-جومارت توقايەۆ قاراعاندى وبلىسىنىڭ شاحتينسك قالاسىنداعى «ارسەلورميتتال تەمىرتاۋ» اق شاحتاسىندا بولعان اپات سالدارىنان قازا تاپقان جۇمىسشىلاردىڭ وتباسىلارى مەن جاقىندارىنا كوڭىل ايتۋ جەدەلحاتىن جولدادى.
« ارسەلورميتتال تەمىرتاۋ» اكسيونەرلىك قوعامىنىڭ شاحتاسىندا بولعان اپات سالدارىنان قازا تاپقان جۇمىسشىلاردىڭ وتباسىلارى مەن جاقىندارىنىڭ قايعىسىنا ورتاقتاسىپ، كوڭىل ايتامىن. زارداپ شەككەن ازاماتتاردىڭ تەزىرەك ساۋىعىپ كەتۋىنە تىلەكتەستىك بىلدىرەمىن. ۇكىمەتكە جانە قاراعاندى وبلىسىنىڭ اكىمىنە اپات سەبەپتەرىن انىقتاۋ ءۇشىن شۇعىل شارالار قابىلداۋدى جانە قايتىس بولعان جانە زارداپ شەككەن ازاماتتاردىڭ وتباسىلارىنا ءتيىستى كومەك كورسەتۋدى تاپسىردىم، – دەپ جازىلعان جەدەلحاتتا».
Cوڭعى مالىمەتتەر بويىنشا،ارسەلورميتتال تەمىرتاۋ كەنىشىندە قازا بولعانداردىڭ سانى 5 ادامعا جەتتى. بۇل تۋرالى ق ر تجم باسپا ءسوز قىزمەتى حابارلادى.
«سوڭعى اقپارات بويىنشا ارسەلورميتتال تەمىرتاۋ كەنىشىندە قايتىس بولعانداردىڭ سانى 5 ادامعا جەتتى. تاعى ءبىر ادامنىڭ دەنەسى تابىلدى» دەلىنگەن حابارلامادا.
بەسىنشى كەنشىنىڭ دەنەسى اپاتتىق-قۇتقارۋ جۇمىستارى كەزىندە تاڭعى ساعات 09:09-دا تابىلعانى بەلگىلى بولدى. ول جايلى وبلىس اكىمدىگى حابارلادى.
ەستەرىڭىزگە سالا كەتسەك، 3 قاراشا كۇنى ساعات 3.03-تە «ارسەلور ميتتال تەمىرتاۋ» اق كومىر دەپارتامەنتىنىڭ لەنين اتىنداعى شاحتاسىندا اپات بولدى.