قۇلايىن دەپ تۇرعان 660 اعاش كەسىلدى.
كەسىلگەن اعاشتاردىڭ ورنىنا 100 كوشەت وتىرعىزىلىپ، قاراشا ايىنىڭ سوڭىنا دەيىن جالپى سانى 2،5 مىڭعا دەيىن جەتكىزىلەتىن بولادى، دەپ حابارلايدى Almaty-akshamy.kz
الماتى قالاسى اكىمدىگى جىل سوڭىنا دەيىن 2 قوعامدىق كەڭىستىكتى: «قازاقستان-بريتان تەحنيكالىق ۋنيۆەرسيتەتىنىڭ» تومەن جاعىنداعى سكۆەردى جانە ك. بايسەيىتوۆا اتىنداعى جاياۋ جۇرگىنشىلەر كوشەسىن جاڭعىرتۋدى اياقتاپ، قۇرمانعازى – ابىلاي حان – شيەۆچەنكو – پانفيلوۆ كوشەلەرىنىڭ بولىگىندە تاعى ءبىر پاركتى اشادى.
جىل باسىنان بەرى «نۇرلى جەر» مەملەكەتتىك باعدارلاماسى بويىنشا 25 ۇيدەگى 60 ليفت جابدىعى اۋىستىرىلىپ، 4 ءۇيدىڭ جالپى مۇلكى (شاتىرى، قاسبەتى جانە ت.ب. «نۇرلى جەر» باعدارلاماسى بويىنشا قايتارىمدى نەگىزدە) جوندەلدى.
2022 جىلدىڭ سوڭىنا دەيىن قوسىمشا 2 ۇيدە تاعى 3 ليفت اۋىستىرىلادى جانە 8 ۇيدە ورتاق پايدالانىلاتىن مۇلىك جوندەلەدى.
بۇگىنگى كۇنى اكىمدىك 2 اۋلانى (چايكوۆسكيي كوشەسى، 25 جانە شاگابۋتدينوۆ كوشەسى، 45) كۇردەلى جوندەۋدەن وتكىزدى، قالعان 3 اۋلا (اباي داڭعىلى، 163، تۇركەبايەۆ كوشەسى، 42، تولە بي كوشەسى، 273/4) وسى جىلدىڭ 15 قاراشاسىنا دەيىن اياقتالادى.
بيىل 40 شاعىن قاباتتى تۇرعىن ءۇيدىڭ فاسادى جوندەلدى جانە 15 قاراشاعا دەيىن قالعان 4 فاساد (جەرگىلىكتى اتقارۋشى ورگاننىڭ قاراجاتى ەسەبىنەن) جوندەلەدى.
المالى اۋدانى قالانىڭ تاريحي ورتالىعى عانا ەمەس، سونىمەن قاتار ونىڭ ەڭ جاسىل اۋداندارىنىڭ ءبىرى. اۋداننىڭ جاسىل قورى شامامەن 223 مىڭ اعاشتى قۇرايدى، ونىڭ 25%ء-تى اپاتتى نەمەسە اۋىر جاعدايدا.
جاسىل قوردى جاسارتۋ جانە جاڭارتۋ باعدارلاماسى شەڭبەرىندە 5 400 اعاش سانيتارلىق ماقساتتا كەسىلدى. اۋلا اۋماقتارىمەن بىرگە ورتاق پايدالانىلاتىن جەرلەردەگى اۆاريالىق جاعدايداعى 660 اعاش كەسىلدى.
جىل سوڭىنا دەيىن تاعى 490 اۆاريالىق جاعدايداعى اعاش كەسىلەدى.
كەسىلگەن اعاشتاردىڭ ورنىنا المالى اۋدانىنىڭ اۋماعىندا 100 كوشەت وتىرعىزىلىپ، قاراشا ايىنىڭ سوڭىنا دەيىن ولاردىڭ جالپى سانى 2،5 مىڭعا دەيىن جەتكىزىلەتىن بولادى.
قوعامدىق قاۋىپسىزدىكتى قامتاماسىز ەتۋ ءۇشىن وسى جىلدىڭ سوڭىنا دەيىن: ادامدار كوپ جينالاتىن ورىندارعا (118 كامەرا)، اۋلالارعا (200 كامەرا) جانە كوشە قيىلىستارىنا (223 كامەرا)
«قولدانىستاعى 947 كامەراعا ەسەپتەلگەن 177 «سەرگەك» اۆتوماتتاندىرىلعان-باعدارلامالىق كەشەنىنە قوسىمشا (44 – جەلىلىك ۋچاسكەلەردە، 133 – كوشە قيىلىستارىندا) 400 كامەراعا ەسەپتەلگەن 38 «سەرگەك» اۆتوماتتاندىرىلعان-باعدارلامالىق كەشەنى (22 – جەلىلىك ۋچاسكەلەردە، 16 - كوشە قيىلىستارىندا) ورناتىلادى. جالپى، بارلىق جۇمىستار اياقتالعاننان كەيىن المالى اۋدانىنداعى كامەرالاردىڭ جالپى سانىن 1 469 بىرلىككە دەيىن كوبەيتەمىز. بيىل اكىمدىك تۇرعىنداردىڭ وتىنىشتەرى بويىنشا جارىق ورناتىلماعان جەرلەرگە قوسىمشا 40 كوشە جارىقتاندىرۋ تىرەگىن ورناتىپ، 6 كوشەنىڭ (استانا الاڭى، پانفيلوۆ، اربات، بايزاقوۆ، موڭعول، ايتەكە بي كوشەلەرى، جەلتوقسان كوشەسىنەن بايتۇرسىنوۆ كوشەسىنە دەيىن) ەسكى جارىقتارى جاڭارتىلدى جانە وسى جىلدىڭ سوڭىنا دەيىن تاعى 2 كوشە: روزىباكييەۆ جانە بايتۇرسىنوۆ جاڭعىرتىلادى. بيىل «حالىق قاتىساتىن بيۋدجەت» باعدارلاماسى بويىنشا سىزدەردىڭ اۋداندارىڭىزدا 800 ملن. تەڭگە سوماسىنا 39 جوبا (100%) ورىندالدى»، دەدى قالا اكىمى تۇرعىندارمەن كەزدەسۋدە.
اۆتوسۋعارۋ جۇيەسىمەن جابدىقتاۋ جۇمىستارى اياقتالدى. «ارو»، «ازتم» 2 سكۆەرى، سونداي-اق اباي داڭعىلىنان تولە بي كوشەسىنە دەيىن گاگارين، بايتۇرسىنوۆ كوشەسىنەن ءشارىپوۆ كوشەسىنە دەيىن بوگەنباي باتىر جانە ابىلاي حان داڭعىلىنان ناۋرىزباي باتىر كوشەسىنە دەيىن قاراساي باتىر كوشەلەرىندەگى بۋلۆارلار كەشەندى تۇردە كوگالداندىرىلدى.
سونداي-اق 8 قوعامدىق جانە 21 اۋلا ورىندارى اباتتاندىرىلدى (1 سپورت جانە 1 بالالار الاڭى، 1 يتتەردى سەرۋەندەتۋگە ارنالعان الاڭ، 3 كومىلگەن قوقىس الاڭى سالىندى،2 الاڭنىڭ رەزەڭكە جابىنى جاڭارتىلدى جانە 21 اۋلا جوندەلدى).
2023 جىلعا داۋىس بەرۋ قورىتىندىسى بويىنشا بەرىلگەن 171 ۇسىنىستىڭ ىشىنەن 800 ملن. تەڭگە سوماسىنا 18 جوبا الدىن الا ىرىكتەپ الىندى.