«جاسىل اۋلا» ناۋقانىنىڭ كۇزگى ماۋسىمىندا قالا تۇرعىندارى كۇل، تال، كاتالپا جانە گيبيسكۋس كوشەتتەرىن تەگىن الدى، دەپ حابارلايدى Almaty-akshamy.kz
اكسياعا قاتىسۋ مۇمكىندىگى مەگاپوليستىڭ ءاربىر تۇرعىنىندا بولدى. الايدا، كوشەتتەر جالپى پايدالانىلاتىن ۋچاسكەلەرگە جانە كوپقاباتتى ۇيلەردىڭ اۋلالارىنا عانا تاراتىلادى. ءجتۇق جەكە سەكتورلارعا جانە باۋ-باقشا سەرىكتەستىكتەرىنە، سونداي-اق، زاڭدى تۇلعالاردىڭ اۋماعىندا كوشەتتەردى وتىرعىزۋ جانە تاراتۋ كوزدەلمەگەن.
20 قىركۇيەكتەن 4 قازانعا دەيىن وتىنىمدەر قابىلداندى. ناتيجەسىندە، 200-گە جۋىق ءوتىنىم ءتۇستى، ونىڭ ىشىندە 70ء-ى ماقۇلداندى.
«بۇل اكسيا ءۇش جىلدان بەرى جالعاسۋدا. جىل سايىن كوپقاباتتى ۇيلەردىڭ اۋلالارىن جانە باسقا دا جالپى پايدالانىلاتىن اۋماقتاردى كوگالداندىرۋعا نيەت بىلدىرۋشىلەردىڭ سانى ارتىپ كەلەدى. اكسيا شارتتارى بويىنشا قاتىسۋشىلار اراسىندا ءبىر ادامعا 20 دانادان ارتىق كوشەت بولىنبەيدى. سۇرانىستارىنا بايلانىستى، كوشەت سانى اركىمدە ءار ءتۇرلى»، - دەپ حابارلادى الماتى ق. ەكولوگيا جانە قورشاعان ورتا باسقارماسى جاسىل قوردى باسقارۋ جانە مونيتورينگ ءبولىمىنىڭ باسشىسى نۇرلان كۋتىبايەۆ.
قاتىسۋشىلار اراسىندا ناۋرىزباي جانە بوستاندىق اۋداندارىنىڭ تۇرعىندارى ەرەكشە بەلسەندىلىك تانىتتى. ونىڭ اراسىندا بىرنەشە رەت قاتىسقان تۇرعىندار بار.
«ءبىز ەكىنشى رەت قاتىسىپ وتىرمىز. بۇگىن 20 كوشەت الدىق، «الما سيتي-5» تۇرعىن ءۇي كەشەنىندەگى اۋلادا 6/55 جانە 6/56 ۇيلەرىنىڭ الدىندا وتىرعىزاتىن بولامىز. كوپ راقمەت، ناۋقاننىڭ ارقاسىندا اعاشتاردى تەگىن الۋعا جانە اۋلامىزدى كوگالداندىرۋعا مۇمكىندىك الدىق»، - دەدى ناۋرىزباي اۋدانىنىڭ تۇرعىنى اقبوتا قىپشاقوۆا.
ەستەرىڭىزگە سالا كەتەيىك، بۇعان دەيىن الماتى قالاسىنىڭ ەكولوگيا جانە قورشاعان ورتا باسقارماسى «جاسىل اۋلا» ناۋقانى اياسىندا كوشەتتەردى تەگىن تاراتۋدىڭ باستالعانى تۋرالى حابارلاعان بولاتىن. ناۋقاننىڭ شارتىنا سايكەس، قاتىسۋشىلار وتىرعىزىلعان اعاشتاردى الداعى ءۇش جىل بويى كۇتىپ-باپتاۋ تۋرالى كەپىلدى مىندەتتەمەگە قول قويادى. اكسيا بارىسىندا كوشەتتەردىڭ ءومىر ءسۇرۋ دەڭگەيىنە باسقارما تاراپىنان مونيتورينگ جۇرگىزىلەدى.