جاۋىن-شاشىننىڭ كوپ تۇسۋىنە بايلانىستى الماتى قالاسىنىڭ كوممۋنالدىق قىزمەتتەرى تاۋلىك بويى كۇشەيتىلگەن رەجيمدە جۇمىس ىستەيدى، دەپ حابارلايدى almaty-akshamy.kz الماتى قالاسىنىڭ كوممۋنالدىق ينفراقۇرىلىمدى دامىتۋ باسقارماسىنا سىلتەمە جاساپ.
ساعات 20:00-دەن 367 تەحنيكا مەن 171 جول جۇمىسشىسى جۇمىلدىرىلدى.
148 قۇم سەپكىش كولىك جولدارعا كوكتايعاققا قارسى ماتەريال سەۋىپ شىقتى. ساعات 20:30-داعى جاعداي بويىنشا 350 توننا پايدالانىلدى.
ساعات 20:30-دان باستاپ جول پوليسياسى پاترۋلدىك ماشينالارىنىڭ سۇيەمەلدەۋىمەن قار جيناۋ بويىنشا 11 باعىت ۇيىمداستىرىلدى.
تروتۋار جينايتىن 160 شاعىن تەحنيكا دا قار تازالاۋدا.
ءتارتىپ بويىنشا كەپتەلىستى بولدىرماۋ ءۇشىن ەڭ الدىمەن كولىك ءنوپىرى كوپ قوزعالىس ۋچاسكەلەرى قاردان تازالانادى. سودان كەيىن كولىك اعىنىنىڭ قارقىندىلىعى ورتاشا ۋچاسكەلەر - الاڭدار، ۆوكزال ماڭى اۋماعى، تروتۋارلار، الەۋمەتتىك نىسانداعى كىرمە جولدار تازالانادى.
قالانىڭ كوممۋنالدىق قىزمەتتەرى كۇشەيتىلگەن رەجيمدە جۇمىسىن جالعاستىرۋدا، كەشكى جانە تۇنگى ۋاقىتتاردا كۇشەيتۋ، سونداي-اق قار تازالاۋ مارشرۋتتارىن تۇزەتۋ. اۋدان اكىمدىكتەرىندە جۇمىس بارىسىن باقىلاۋ بويىنشا تاۋلىك بويى كەزەكشىلىك ۇيىمداستىرىلدى.
