2024 جىلى 14 ناۋرىزدا كەشكى 18-00-دەن باستاپ الماتى وبلىسىنىڭ كەيبىر اۋىلدارى جارىقسىز قالدى. اتالعان جايتقا قاتىستى الماتى وبلىسى اكىمدىگىنىڭ باسپا ءسوز قىزمەتى تۇسىنىكتەمە بەردى.
"اۋا رايىنىڭ ناشارلاۋىنا بايلانىستى كەيبىر ەلدىمەكەندەردە ەلەكتر قۋاتى جاپپاي ءسونىپ قالدى. باسقارما قالپىنا كەلتىرۋ جۇمىستارىنا مونيتورينگ جانە باقىلاۋ جۇرگىزۋدە. كەيبىر اۋداندار مەن قونايەۆ قالاسىنىڭ اكىمدىكتەرىندە كەزەكشىلىكتەر ۇيىمداستىرىلدى. ال "اجك" اق ەنەرگيا تاسىمالداۋشى ۇيىمىنىڭ بارلىق اۆاريالىق-قالپىنا كەلتىرۋ بريگادالارى كۇشەيتىلگەن رەجيمدە جۇمىس ىستەپ جاتىر. قازىرگى ۋاقىتتا "اجك"اق كۇشىمەن اۆاريالىق اجىراتۋلاردى جويۋ جۇمىستارى جۇرگىزىلىپ جاتىر"، - دەدى الماتى وبلىسى اكىمدىگىنىڭ باسپا ءسوز قىزمەتى
سونداي-اق وبلىس اكىمدىگى جاعداي باقىلاۋدا ەكەنىن، ەلدىمەكەندەرگە جارىق بەرىلە باستاعانىن ايتتى.