بيۋدجەتتىڭ جارتىسىنان استامى الەۋمەتتىك شىعىندارعا جۇمسالادى.
الماتى قالاسى ءماسليحاتىنىڭ VIII شاقىرىلىمىنىڭ كەزەكتەن تىس II سەسسياسى ءوتتى. وعان قالا اكىمى ەربولات دوسايەۆ قاتىستى، دەپ حابارلايدى Almaty-akshamy.kz
قالا باسشىسى دەپۋتتارعا قاراتا ايتقان سوزىندە "ءسىز بەن ءبىزدىڭ باستى ماقساتىمىز – ءاربىر الماتىلىقتىڭ ءال-اۋقاتىنىڭ ارتۋىن قامتاماسىز ەتۋ ءۇشىن قالامىزدى ۇيلەسىمدى دامىتۋ" ەكەنىن اتاپ ءوتتى.
«18 جىلدا العاش رەت اشىق جانە باسەكەلى سايلاۋ ءوتتى، ونىڭ قورىتىندىسىندا الماتى قالاسى ءماسليحاتىنىڭ جارتىسى نەمەسە 21 دەپۋتات ءبىر مانداتتى وكرۋگتەر بويىنشا سايلاندى. جالپى، ءماسليحاتتىڭ دەپۋتاتتىق كورپۋسى 67%-عا جاڭاردى. الماتىنىڭ الدىندا تۇرعان زاماناۋي سىن-قاتەرلەر مەن اۋقىمدى مىندەتتەردى نازارعا الا وتىرىپ، وكەن جىلدىڭ قىركۇيەك ايىندا ءماسليحات 7 باسىم باعىتتان تۇراتىن «الماتى قالاسىن دامىتۋدىڭ 2025 جىلعا دەيىنگى باعدارلاماسىن جانە 2030 جىلعا دەيىنگى ورتا مەرزىمدى پەرسپەكتيۆالاردى» قولداپ، بەكىتتى»، - دەدى ە.دوسايەۆ.
بەكىتىلگەن دامۋ باعدارلاماسىن جانە مەملەكەت باسشىسىنىڭ 2022 جىلدىڭ قاراشاسىندا وتكەن الماتى قالاسىن دامىتۋ جونىندەگى كەڭەستە بەرگەن تاپسىرمالارىن ويداعىداي ورىنداۋ ءۇشىن دەپۋتاتتاردىڭ قاراۋىنا ەكى ماڭىزدى ماسەلە شىعارىلدى:
1) الماتى قالاسىنىڭ 2023 جىلعا ارنالعان بيۋدجەتىن ناقتىلاۋ؛
2) الماتى قالاسىنىڭ 2040 جىلعا دەيىنگى باس جوسپارىنىڭ جوباسى.
2023-2025 جىلدارعا ارنالعان قالا بيۋدجەتى الماتى قالاسىن دامىتۋ باعدارلاماسىنىڭ نەگىزگى باسىمدىقتارى نەگىزىندە قالىپتاستىرىلدى.
وسى جىلدىڭ ءى توقسانىندا ەكونوميكانىڭ قارقىندى دامۋى بيۋدجەتتى ناقتىلاۋعا نەگىز بولدى. قىسقا مەرزىمدى ەكونوميكالىق ينديكاتور 23،9%-كە ءوستى. ساۋدا (+29،4%)، وڭدەۋ ونەركاسىبى (+24،5%)، كولىك (+21،8%) سالالارى ەكونوميكا ءوسىمىنىڭ درايۆەرلەرى بولدى. ەكونوميكانىڭ دامي ءتۇسۋى مەملەكەتتىك بيۋدجەتكە تۇسەتىن تۇسىمدەردى 32،1%-كە ارتتىردى (بارلىعى 1 241،1 ملرد.تەڭگە سالىق جانە مىندەتتى تولەمدەر (132،1%)، ونىڭ ىشىندە رەسپۋبليكالىق بيۋدجەت - 941،8 ملرد. تەڭگە (139،3%)، جەرگىلىكتى بيۋدجەت – 299،3 ملرد. تەڭگە (133،5%).
«سىزدەرگە بيۋدجەتتى ناقتىلاۋعا ۇسىنىلعان 265،4 ملرد. تەڭگە وسى جىلدىڭ ءى توقسانىنداعى قوسىمشا كىرىستى قالىپتاستىرۋ، بيۋدجەت قاراجاتىن ىشتەي قايتا ءبولۋ جانە وتكەن جىلدىڭ بوس قالدىقتارى ەسەبىنەن جۇرگىزىلۋدە. قوسىمشا قاراجات نەگىزىنەن كولىك ينفراقۇرىلىمىن قالىپتاستىرۋعا، تۇرعىن ۇي-كوممۋنالدىق شارۋاشىلىق ينفراقۇرىلىمىن مودەرنيزاسيالاۋعا، الەۋمەتتىك قامتۋعا، ءبىلىم بەرۋ مەن دەنساۋلىق ساقتاۋدى دامىتۋعا، قالانى اباتتاندىرۋعا جانە كوگالداندىرۋعا باعىتتالاتىن بولادى. جەدەل شەشىمدەر قابىلداپ، ولاردى ناقتى ىسكە اسىرۋ باستى مىندەتىمىز بولىپ تابىلادى، سوندا ءبىز العا قويعان ماقساتتارعا قول جەتكىزە الامىز»، - دەدى قالا باسشىسى.
اكىمدىكتىڭ باستاماسىمەن جانە مەملەكەت باسشىسىنىڭ قولداۋىنىڭ ارقاسىندا 1 ساۋىردەن باستاپ اۋداندىق اكىمدىكتەرگە قالالىق دەڭگەيدەن قوسىمشا 15 فۋنكسيا بەرىلدى. وسى ورايدا، وكىلەتتىكتەردى ورتالىقسىزداندىرۋ شەڭبەرىندە جانە اعىمداعى ناقتىلاۋدى ەسكەرە وتىرىپ، 8 اۋداندىق اكىمدىكتىڭ 2023 جىلعا ارنالعان بيۋدجەتتەرى 60،4-تەن 164،5 ملرد. تەڭگەگە دەيىن 2،7 ەسە كوبەيەدى. بۇدان باسقا اۋدان اكىمدىكتەرىنىڭ شتات سانى 152 بىرلىككە ۇلعايدى، ونىڭ ىشىندە جاڭاسى – 56، 96-ى قالالىق باسقارمالاردان بەرىلدى.
قالا اكىمىنىڭ سوزىنشە، وسى شارالاردىڭ ارقاسىندا اۋدان اكىمدىكتەرىندە جاڭا مۇمكىندىكتەر مەن قوسىمشا قارجى رەسۋرستارى پايدا بولادى، شەشىمدەر قابىلداۋ جىلدامدىعى مەن ساپاسى جاقسارادى ءارى اۋدان اكىمدەرىنىڭ حالىق الدىنداعى جاۋاپكەرشىلىگى ارتادى.
سونىمەن قاتار، دەپۋتاتتاردىڭ قاراۋىنا الماتىنىڭ ودان ءارى دامۋى ءۇشىن وتە ماڭىزدى بازالىق قۇجات – قالانىڭ 2040 جىلعا دەيىنگى جاڭا باس جوسپارى ۇسىنىلدى. باس جوسپاردىڭ جاڭا جوباسى قاڭتار ايىندا العاش رەت ۇلكەن قوعامدىق تالقىلاۋدان ءوتتى، ونىڭ بارىسىندا قالا تۇرعىندارىنان، قوعامدىق ۇيىمدار مەن ساراپشىلار قاۋىمداستىعىنان 1300-دەن استام كوممەنتاريي الىندى، ولار نەگىزىنەن جايلى قالالىق ورتانى قالىپتاستىرۋ، ەكولوگيانى جاقسارتۋ جانە قاۋىپسىزدىكتى قامتاماسىز ەتۋ ماسەلەلەرىنە قاتىستى بولدى. سونىمەن قوسا ءماسليحات كوميسسيالارىنىڭ وتىرىستارىندا وسى جوبادا ەسكەرىلگەن 20-عا جۋىق ۇسىنىس الىندى.
«وزدەرىڭىز بىلەتىندەي، قالانىڭ باس جوسپارى 20 جىل بۇرىن ازىرلەنگەن جانە مونوورتالىقتىق دامۋ مودەلىنە نەگىزدەلگەن، ياعني جۇمىس ورىندارى مەن الەۋمەتتىك-مادەني قىزمەتتەر قالانىڭ تاريحي ورتالىعىنا تىعىز شوعىرلانعان. سودان بەرى قالا اۋماعى جاعىنان دا، حالىق سانى بويىنشا دا 2 ەسە ۇلعايدى»، - دەدى قالا اكىمى ەربولات دوسايەۆ.
جاڭا باس جوسپاردا تۇرعىن ءۇي، الەۋمەتتىك، كولىك جانە ينجەنەرلىك ينفراقۇرىلىمى دامىعان 5 جاڭا پوليورتالىق قۇرىلاتىن پوليورتالىقتىق دامۋ مودەلىنە كوشۋ كوزدەلەدى. بۇل وسى پوليورتالىقتاردىڭ تۇرعىندارى ءۇشىن بارلىق قاجەتتى يگىلىكتەردىڭ جاقىن ورنالاسۋىنا مۇمكىندىك بەرەدى.
الماتى اكىمى ە.دوسايەۆ جاڭا باس جوسپار جايلى قالالىق ورتا قۇرۋ جانە قالامىزدىڭ بارلىق اۋداندارىندا ءومىر ءسۇرۋ ساپاسىن جاقسارتۋ ءۇشىن بەرىك نەگىز قالايتىنىنا سەنىم ءبىلدىرىپ، قالانىڭ كوركەيۋى ءۇشىن بارشاسىنا ناتيجەلى ەڭبەك ەتۋگە شاقىردى.