ازاماتتاردىڭ ەڭبەك قۇقىقتارىن قورعاۋ پروكۋرورلاردىڭ قاداعالاۋ سالاسىنىڭ باسىم باعىتتارىنىڭ ءبىرى بولىپ تابىلادى، دەپ حابارلايدى اlmaty-akshamy.kz.
كەيبىر ازاماتتاردىڭ ەڭبەك قاتىناستارى سالاسىندا ءتيىستى ءبىلىمى جوق ەكەنى بەلگىلى، ونى جوسىقسىز جۇمىس بەرۋشىلەر وزدەرىنىڭ جەكە مۇددەلەرى ءۇشىن پايدالانا الادى.
اتاپ ايتقاندا، قورداي اۋدانىندا جۇمىس بەرۋشى ەڭبەك شارتىنىڭ ورنىنا قىزمەت كورسەتۋ شارتىن جاساسۋ ارقىلى جۇمىسشىنىڭ ءومىرى مەن دەنساۋلىعى ءۇشىن جاۋاپكەرشىلىكتەن جالتارۋ فاكتىسى انىقتالدى.
بۇل سحەما جەكە كاسىپكەرگە جۇمىس ورنىندا قازا بولعان جۇمىسشىنىڭ وتباسىنا وتەماقى تولەمەۋگە مۇمكىندىك بەردى.
قورداي اۋدانى پروكۋراتۋراسىنىڭ سوتقا بەرگەن تالاپ قويۋى بويىنشا كورسەتىلگەن ادامدار اراسىنداعى ەڭبەك قاتىناستارىنىڭ فاكتىسى دالەلدەنىپ، قازا بولعان تۇلعانىڭ وتباسىنا 3 ملن تەڭگە تولەندى.
اعىمداعى جىلى ەڭبەك زاڭناماسىنىڭ ساقتالۋىن قاداعالاۋ شەڭبەرىندە ءوڭىر پروكۋرورلارى 14 651 ادامنىڭ قۇقىقتارىن قورعادى، ونىڭ ىشىندە 1 040 قىزمەتكەرگە 281 ملن تەڭگەگە جالاقى بويىنشا بەرەشەك تولەندى.
ەڭبەك كودەكسىنە سايكەس جۇمىسشىلار مەن جۇمىس بەرۋشى اراسىندا ەڭبەك شارتتارى جاسالۋعا مىندەتتى.
بۇل جۇمىسشىلارعا وزدەرىنىڭ كونستيتۋسيالىق قۇقىقتارىن قورعاۋعا كەپىلدىك بەرەدى.