ۇكىمەت جۇمىسىنىڭ 2025 جىلعى قورىتىندىسى بويىنشا باسپا ءسوز كونفەرەنسياسى بارىسىندا ەنەرگەتيكا ءمينيسترى ەرلان اقكەنجەنوۆ مەملەكەت باسشىسىنىڭ ەلدىڭ رەسۋرستىق بازاسىن نىعايتۋ جانە گاز ينفراقۇرىلىمىن دامىتۋ جونىندەگى تاپسىرمالارىنىڭ ورىندالۋ بارىسى تۋرالى حاباردار ەتتى، دەپ حابارلايدى Aqshamnews.kz ءتىلشىسى ۇكىمەت باسپاسوزىنە سىلتەمە جاساپ.
ۆەدومستۆو باسشىسى ەنەرگەتيكالىق قاۋىپسىزدىكتى قامتاماسىز ەتۋ مىندەتى پرەزيدەنت بەلگىلەپ بەرگەن ستراتەگيالىق پريوريتەت بولىپ قالا بەرەتىنىن اتاپ ءوتتى.
ەسەپتى كەزەڭدە قايىرگەلدى، تۇزكول جانە تاسبولات جاڭا ءۇش گاز كەن ورىنى پايدالانۋعا بەرىلگەن. تاسبولات كەن ورنىن ىسكە قوسۋ ماڭعىستاۋداعى قازاق گاز وڭدەۋ زاۋىتىنىڭ قۋاتىن تولىقتىرۋعا مۇمكىندىك بەردى.