پوليسيا جۇرگىزۋشىلەرگە باقىلاۋدى كۇشەيتتى

قازاقستاندا جول قاۋىپسىزدىگىن قامتاماسىز ەتۋگە باعىتتالعان "ءقاۋىپسىز جول" اتتى جەدەل-پروفيلاكتيكالىق ءىس-شارا باستالدى، دەپ حابارلايدى aqshamnews.kz

ىشكى ىستەر مينيسترلىگىنىڭ (ءىىم) باسپا ءسوز قىزمەتىنىڭ مالىمەتىنە سايكەس، شارا 2026 جىلعى 23–25 قاڭتار ارالىعىندا رەسپۋبليكا اۋماعىندا وتكىزىلەدى. ونىڭ ماقساتى – جول-كولىك وقيعالارىنىڭ سانىن ازايتۋ، جول قوزعالىسى سالاسىنداعى قۇقىق بۇزۋشىلىقتاردى الدىن الۋ جانە توقتاتۋ، سونداي-اق زاڭدىلىقتى نىعايتۋ.

"اكسيا بارىسىندا پوليسيا قىزمەتكەرلەرى باسقا مەملەكەتتىك ورگاندار وكىلدەرىمەن بىرلەسە وتىرىپ، جول قاۋىپسىزدىگىن قاداعالايدى، اكىمشىلىك قۇقىق بۇزۋشىلىقتاردى انىقتايدى جانە حالىققا ءتۇسىندىرۋ جانە پروفيلاكتيكالىق جۇمىستار جۇرگىزەدى"، – دەلىنگەن ءىىم حابارلاماسىندا.
ارنايى نازار اۋدارىلاتىن باعىتتار:

جولاۋشىلار تاسىمالى قاۋىپسىزدىگى،
جالعان نەمەسە جوق مەملەكەتتىك ءنومىرلى كولىكتەردى انىقتاۋ،
ءقاۋىپتى جۇرگىزۋشىلەردىڭ ارەكەتتەرىن توقتاتۋ.
سونىمەن قاتار، جول قوزعالىسى ەرەجەلەرىن ساقتاۋ جانە اۋا رايى ناشارلاعان كەزدە قاۋىپسىزدىك تالاپتارىنىڭ ورىندالۋىن قاتاڭ باقىلاۋ كۇشەيتىلگەن.

ايتا كەتەيىك، 2026 جىلدان باستاپ قازاقستاندا مىندەتتى اۆتوساقتاندىرۋ جۇيەسىنە وزگەرىستەر ەنگىزىلەدى. بۇل وزگەرتۋلەر العاش رەت ساقتاندىرۋ كەلىسىمىن جاسايتىن جۇرگىزۋشىلەرگە (اۆتو- جانە موتوكولىك يەلەرى) جانە بارلىق كولىك يەلەرىنە ايماقتىق كوەففيسيەنتتەردىڭ جاڭارتىلۋى ارقىلى قولدانىلادى.