الماتىدا بەلگىسىز بىرەۋ ءوزىن قورعانىس مينيسترلىگىنىڭ قىزمەتكەرىمىن دەپ تانىستىرىپ، كوشەدەگىلەردىڭ تىركەلگەن مەكەنجايىن سۇراعان، - دەپ حابارلايدى aqshamnews.kz
Tengrinews.kz حابارلاۋىنشا، جاعداي 21 قاڭتاردا الماتىداعى "موسكۆا" ساۋدا ورتالىعى ماڭىندا بولعان.
ۆيدەو اۆتورىنىڭ سوزىنشە، وعان جانە دوسىنا "قازاقستان رەسپۋبليكاسى قورعانىس مينيسترلىگى" دەگەن بەيدج تاققان بەلگىسىز ەر ادام جاقىنداپ، ەش تۇسىندىرمەستەن تىركەلگەن مەكەنجايى تۋرالى سۇراقتار قويا باستاعان.
"ەشقانداي امان-سالەمسىز، ءوزىن تانىستىرماي "قاي جەردە تىركەلگەنسىزدەر؟" دەپ سۇرادى"، - دەپ جازدى اۆتور.
اۆتوردىڭ ايتۋىنشا، ءوزىن تانىستىرۋدى سۇراعان كەزدە ەر ادام ناقتى جاۋاپ بەرمەگەن. ول اسكەري كوميسسارياتتا جۇمىس ىستەيتىنىن ايتقان.
"ول: "مەنى كۇتە تۇر، پوليسيا شاقىرامىن"، - دەدى دە، كەتىپ قالدى"، - دەلىنگەن جازبادا.
قورعانىس مينيسترلىگى نە دەيدى؟
قازاقستان رەسپۋبليكاسىنىڭ قورعانىس مينيسترلىگى الەۋمەتتىك جەلىلەردە تاراعان ۆيدەو مەن وقيعاعا قاتىستى جازبالارعا پىكىر ءبىلدىردى.
"ۆيدەودا كورىنگەن جانە ءوزىن قورعانىس مينيسترلىگىنىڭ قىزمەتكەرىمىن دەپ تانىستىرعان ادام اسكەري قىزمەتشى ەمەس جانە قازاقستان رەسپۋبليكاسىنىڭ قورعانىس مينيسترلىگىنە ەش قاتىسى جوق"، - دەپ حابارلادى ۆەدومستۆو.
مينيسترلىكتە اتالعان فاكت بويىنشا تەكسەرۋ جۇرگىزىلىپ جاتقانىن اتاپ ءوتتى.
"قورعانىس مينيسترلىگى ۋاكىلەتتى ورگاندارمەن بىرلەسىپ بولعان جاعدايدىڭ ءمان-جايىن تەكسەرىپ جاتىر. تەكسەرۋ ناتيجەسى بويىنشا ماتەريالدار زاڭدا كوزدەلگەن شارالاردى قابىلداۋ ءۇشىن ىشكى ىستەر ورگاندارىنا جولدانادى"، - دەپ قوستى ۆەدومستۆو.