20–29 قاڭتار ارالىعىندا الماتى قالاسىندا "تۇرمىس" اتتى جالپى قالالىق جەدەل-الدىن الۋ ءىس-شاراسى ۇيىمداستىرىلىپ جاتىر. بۇل وتباسىلىق-تۇرمىستىق قاتىناستارداعى قۇقىقبۇزۋشىلىقتاردىڭ الدىن الۋ جانە جولىن كەسۋ ماقساتىنداعى پروفيلاكتيكالىق ءىس-شارا.
ءىس-شارا بارىسىندا مەدەۋ اۋدانى پوليسيا باسقارماسىنىڭ قىزمەتكەرلەرى تۇرعىن ءۇي سەكتورىندا پروفيلاكتيكالىق ارالاۋ جۇمىستارىن جۇرگىزىپ، ەسەپتە تۇرعان تۇلعالاردى تەكسەرىپ جاتىر، سونداي-اق تۇرعىندار اراسىندا قۇقىقتىق ءتۇسىندىرۋ جانە الدىن الۋ باعىتىنداعى جۇمىستاردى جۇزەگە اسىرىپ جاتىر.
وتباسىلىق-تۇرمىستىق زورلىق-زومبىلىق فاكتىلەرى انىقتالعان جاعدايدا، زاڭناماعا سايكەس ءتيىستى شارالار قابىلدانادى. ءىس-شارانىڭ باستى ماقساتى – ازاماتتاردىڭ قۇقىقتارى مەن زاڭدى مۇددەلەرىن قورعاۋ، وتباسىلىق-تۇرمىستىق قاتىناستار سالاسىنداعى قۇقىق بۇزۋشىلىقتاردىڭ الدىن الۋ جانە حالىقتىڭ قۇقىقتىق مادەنيەتىن ارتتىرۋ.
مەدەۋ اۋدانى پوليسيا باسقارماسىنىڭ 2025 جىلعى قورىتىندىسى بويىنشا وتباسىلىق-تۇرمىستىق قاتىناستار سالاسىندا 780 تۇلعاعا قورعاۋ نۇسقاماسى شىعارىلىپ، 121 تۇلعاعا ەرەكشە تالاپ بەلگىلەنىپ، پروفيلاكتيكالىق ەسەپكە الىنعان. سونىمەن قاتار، سوت شەشىمىنە سايكەس 6 تۇلعاعا پسيحولوگيالىق كومەك كورسەتىلگەن.
وتباسىلىق-تۇرمىستىق زورلىق-زومبىلىققا قارسى كۇرەس بولىمشەسىنىڭ ينسپەكتورلارى اتالعان پروفيلاكتيكالىق جۇمىستار 2026 جىلى دا جالعاسىن تاباتىنىن جانە وڭ ناتيجەگە قول جەتكىزۋگە باعىتتالاتىنىن اتاپ ءوتتى.