پاۆلودار وبلىسىنىڭ ەرتىس اۋىلىندا جەكە تۇرعىن ۇيدەن ءورت شىعىپ، كامەلەتكە تولماعان ەكى بالا قازا بولدى، دەپ حابارلايدى Aqshamnews.kz ءتىلشىسى.
وقيعا جونىندەگى حابارلاما «101» قىزمەتىنە بۇگىن تاڭعى ساعات 08:33-تە تۇسكەن. ءورت ءسوندىرۋ بولىمشەلەرى وقيعا ورنىنا ءۇش مينۋت ىشىندە جەتكەن. الايدا ولار كەلگەن ساتتە ءۇي تولىقتاي وتقا ورانىپ، شاتىر، جيھاز جانە تۇرمىستىق زاتتار جانىپ، قويۋ ءتۇتىن شىققان.
توتەنشە جاعدايلار دەپارتامەنتىنىڭ مالىمەتىنشە، ءورت سوندىرۋشىلەر جەدەل ارەكەت ەتىپ، ءۇي ىشىنەن كامەلەتكە تولماعان ءۇش بالانى الىپ شىعىپ، جەدەل جاردەم قىزمەتىنە تاپسىرعان. تاعى ءبىر بالا قۇتقارۋشىلار جەتكەنگە دەيىن سىرتقا شىعارىلعان. دەگەنمەن اۋىر حالدە اۋرۋحاناعا جەتكىزىلگەن ەكى بالا دارىگەرلەردىڭ بارلىق كۇش سالۋىنا قاراماستان كوز جۇمدى.
ءورت شامامەن 50 شارشى مەتر اۋماقتى قامتىعان. قازىرگى تاڭدا وقيعانىڭ شىعۋ سەبەپتەرى انىقتالىپ جاتىر.