استانا حالىقارالىق اۋەجايىندا كارانتينگە جاتقىزىلعان ءونىمدى اكەلۋ فاكتىسىنىڭ جولى كەسىلدى، دەپ حابارلايدى اqshamnews.kz ءتىلشىسى.
اۋىل شارۋاشىلىعى مينيسترلىگىنىڭ اقپاراتىنشا، اۋەجايدىڭ فيتوسانيتاريالىق باقىلاۋ بەكەتىندە مەملەكەتتىك ينسپەكتور كارانتينگە جاتقىزىلعان ءونىمنىڭ ۇلتتىق زاڭناما تالاپتارىن بۇزا وتىرىپ ەلگە اكەلىنگەنىن انىقتاعان.
"ءۇندىستاندا وندىرىلگەن، ءبىراق كورەيا رەسپۋبليكاسىنان اكەلىنگەن قىزاناق تۇقىمدارىنان كارانتيندىك وبەكت — قىزاناق جەمىستەرىنىڭ قوڭىر قاتپارلى ۆيرۋسى (Tomato brown rugose fruit virus) تابىلدى. بۇل ۆيرۋس اۋىل شارۋاشىلىعى وندىرىسىنە، اسىرەسە كوكونىس شارۋاشىلىعىنا ەلەۋلى زيان كەلتىرۋگە قابىلەتتى اسا ءقاۋىپتى كارانتيندىك وبەكتىلەردىڭ قاتارىنا جاتادى جانە ەلدىڭ فيتوسانيتاريالىق قاۋىپسىزدىگىنە ەلەۋلى قاتەر توندىرەدى"، - دەلىنگەن حابارلامادا.
كارانتينگە جاتقىزىلعان ءونىمنىڭ يەسىنە قاتىستى اكىمشىلىك ءىس قوزعالعان. ءىس ماتەريالدارى پروسەسسۋالدىق شەشىم قابىلداۋ ءۇشىن سوتقا جولداندى.