قازاقستاندىق الەكساندر گەرليس 2022 جىلعى قىسقى پاراليمپيادا جارىستارىنداعى ويىندارىن اياقتادى، دەپ حابارلايدى Almaty-akshamy.kz Zakon.kz-كە سىلتەمە جاساپ.
الەكساندر گەرليس ءۇشىن قىسقى پاراليمپيادا-2022-دەگى بۇل ب ا ق سىناعان سوڭعى جەكە جارىسى بولدى.
ءاۋ، باستان كوشباسشىلىق تىزگىنىن جارىس يەلەرى - قىتايلىق پاراليمپياداشىلار مىقتاپ ۇستاپ، ەشكىمدى العا جىبەرمەدى. ولار ءبىرىنشى جانە ءۇشىنشى ورىنداردى يەلەندى. فرانسۋز شاڭعىشىسى جەڭىس تۇعىرىنىڭ ەكىنشى ساتىسىنا كوتەرىلدى.
وسى پاراليمپيادادا بياتلوننان قولا مەدال يەلەنگەن قازاقستاندىق الەكساندر گەرليس شاڭعى جارىسىندا ءوز جەتىستىگىن قايتالاۋ ءۇشىن بار كۇشىن سالدى، الايدا ول قۇرمەتتى V-ورىنعا يە بولدى.
بۇل جوعارى ناتيجە الەكساندرعا پاراليمپيادا ويىندارىندا ونەر كورسەتكەنى ءۇشىن بەرىلەتىن جۇلدە سوماسىن 105 مىڭ دوللارعا دەيىن (قازىرگى باعام بويىنشا شامامەن 54 ملن تەڭگە) ۇلعايتۋعا مۇمكىندىك بەردى.
پاراليمپيادانىڭ قولا مەدالى ءۇشىن گەرليس 75 مىڭ دوللار سىياقى الادى، سپرينتتە شاڭعى جارىسىنان V-ورىن، 12،5 شاقىرىمدىق بياتلون جانە 12 شاقىرىمدىق شاڭعى جارىستارى ءۇشىن ءارقايسىسىنا تاعى 10 مىڭ دوللاردان الادى.