كوكتەم مەزگىلىندە بەت تەرىسىن قالاي كۇتۋ كەرەك

تاۋلىگىنە 8 ساعاتتىق قالىپتى ۇيقىنى قاداعالاۋ كەرەك

كوكتەم كۇتىمدى قاجەت ەتەدى. بۇل مەزگىلدە يممۋنيتەت السىرەيدى. سول سەبەپتەن، شاش، تىرناق، بەت تەرىسىنە ەرەكشە كوڭىل ءبولۋىمىز كەرەك. كوكتەمدە بەت تەرىسى قۇرعاپ، ءوڭى كەتە باستايدى. ءتۇرلى داقتار مەن بورتپەلەر ءتىپتى، بەزەۋلەر پايدا بولادى. وعان كۇن ساۋلەسى دە اسەر ەتەدى. سوندىقتان بىرنەشە كەڭەسكە قۇلاق ءتۇرىڭىز.

 - تازا اۋادا كوپ ۋاقىت وتكىزىڭىز. 

- تاۋلىگىنە 8 ساعاتتىق قالىپتى ۇيقىنى قاداعالاۋ كەرەك.

 - كوبىرەك جەمىس-جيدەكتەر تۇتىنعان ءجون. ۇن مەن ءتاتتى تاعامداردان باس تارتقان دۇرىس. كوكونىستەر اعزادا دارۋمەن جەتىسپەۋشىلىگىن تەجەيدى. 

- قىسقى ماۋسىمدا اعزادا ءتۇرلى توكسيندەر جينالادى. ولاردان ارىلۋ ءۇشىن ەڭ ءتيىمدى ءتاسىل – ىستىق مونشا نەمەسە ۆاننا. 

- ماڭىزدى نارسە – بەت تازارتۋ. ياعني جاتار الدىندا نەمەسە تاڭەرتەڭ مىندەتتى تۇردە تازالاپ، تەرىنى دەمالدىرعان ءجون. كوكتەمدە سونداي-اق سۋ قۇبىرلارىندا حلور دەڭگەيى جوعارى بولادى. سول سەبەپتەن قايناعان نەمەسە تازارتىلعان سۋمەن جۋعان ءجون. كوسمەتيكالىق تازارتۋ قۇرالدارىن ازىراق قولدانعان دۇرىس. دەگەنمەن ىلعالداندىرعاش، نارلەندىرگىش قۇرالداردىڭ ساپالىسىن قولدانعان ءتيىمدى. 

- مايلى بەت تەرىسىنە قۇرامىندا از عانا ءسپيرتى بار قۇرالدار قولدانۋ ۇسىنىلادى. دەگەنمەن، ءۇي جاعدايىندا مۇز تەكشەلەرىن نەمەسە ارنايى ءشوپ كايناتپالارىن قولدانعان دۇرىس.

- كوكتەمگى ۋلتراكۇلگىن ساۋلەگە قارسى كرەمدەردە SPF-10-15 قولدانعان ءجون. سەبەبى ساۋلەلەردىڭ بەلسەندىلىگى جازعا قاراعاندا تومەن بولادى. 

- كوكتەم كەزىندە ءتۇرلى اللەرگيالار بولۋى مۇمكىن. ارنايى سەزىمتال تەرىلەرگە ارنالعان كرەمدەر قولدانۋ قاجەت.