پاريجدەگى وليمپيادا ويىندارىندا وزبەكستان بوكس قۇراماسى بەس التىن مەدال جەڭىپ الدى. بايراقتى باسەكەدە ەل مەرەيىن وسىرگەن جۇلدەگەرلەرگە ەلىندە دە لايىقتى سىيلىقتار تابىس ەتىلدى، دەپ حابارلايدى aqshamnews.kz.
سپورتشىلاردى ماراپاتتاۋ ءراسىمى وزبەكستاننىڭ باس قالاسى تاشكەنتتە ءوتتى. بارلىق جۇلدەگەرگە اقشالاي سىياقى تابىستالدى، ودان بولەك پاتەر مەن كولىك كىلتتەرى بەرىلدى.
التىن العان سپورتشىلارعا:
200 مىڭ دوللار.
Tahoe كولىگى.
ەكى قاباتتى كوتتەدج.
كۇمىس جۇلدەگەرلەرگە:
100 مىڭ دوللار.
BYD Song Plus EV Champion كولىگى.
پاتەر.
قولا جۇلدەگەرلەرگە:
50 مىڭ دوللار .
BYD Song Plus DM-i Champion كولىگى.
پاتەر.
ايتا كەتەيىك، وزبەكستان پوستكەڭەستىك ەلدەر اراسىندا مەدال سانى بويىنشا ۇزدىك شىقتى – سەگىز التىن، ەكى كۇمىس جانە ءۇش قولا مەدال. وسىنىڭ ارقاسىندا ولار جالپى ەسەپتە 13-ورىنعا تابان تىرەدى.