ق ر پرەمەر-مينيسترى ولجاس بەكتەنوۆتىڭ توراعالىعىمەن وتكەن ۇكىمەت وتىرىسىندا وتاندىق فارماسيەۆتيكاداعى كومپانيالاردى قولداۋ شارالارى قارالدى. وسى باعىتتا جۇرگىزىلىپ جاتقان جۇمىستار تۋرالى ق ر دەنساۋلىق ساقتاۋ ءمينيسترى اقمارال ءالنازاروۆا باياندادى، دەپ حابارلايدى aqshamnews.kz
2024 جىلدىڭ 1 جارتىجىلدىعىنىڭ قورىتىندىسى بويىنشا وتاندىق فارماسيەۆتيكالىق ءونىم ءوندىرۋ كولەمى 95 ملرد تەڭگەگە دەيىن ۇلعايدى، ءوسىم 14،5%-دى قۇرادى. بۇگىنگى تاڭدا 35 قازاقستاندىق وندىرۋشىمەن 4 مىڭعا جۋىق فارماسيەۆتيكالىق ءونىم ءتۇرىن جەتكىزۋگە 94 ۇزاق مەرزىمدى شارت جاسالدى. ءۇش جىل ىشىندە ۇزاق مەرزىمدى شارتتار شەڭبەرىندە تولىق كولەمگە كەزەڭ-كەزەڭمەن شىعۋ جوسپارلانعان.
«جىلدىڭ سوڭىنا دەيىن وزگە 24 وتاندىق وندىرۋشىلەرمەن ۇزاق مەرزىمدى شارتتاردىڭ جاسالۋى ارقىلى 1 412 دارىلىك زاتتار مەن مەديسينالىق بۇيىمداردىڭ جەتكىزىلۋى قاراستىرىلۋدا. دارىلىك زاتتاردى ساتىپ الۋ كەزىندە وتاندىق وندىرۋشىلەر ءۇشىن پرەفەرەنسيالار بەلسەندى پايدالانىلادى. ماسەلەن، وسى تەتىكتى پايدالانا وتىرىپ، بيىلعى التى ايدا 29،5 ملرد تەڭگەگە 196 دارى-دارمەك تۇرلەرى جەتكىزىلدى»، — دەپ اتاپ ءوتتى اقمارال ءالنازاروۆا.
دەنساۋلىق ساقتاۋ مينيسترلىگى ددۇ تىزبەسى نەگىزىندە كەڭ تارالعان اۋرۋلاردى ەمدەۋگە ارنالعان باسىم دارىلىك زاتتاردىڭ ءتىزىمىن جاسادى. 283 دارىلىك زات ىرىكتەلىپ الىندى، وسى تىزىمدەگى 107 دارىلىك زاتتار قازاقستان اۋماعىندا وندىرىلەدى. ەلىمىزدىڭ دارىلىك قاۋىپسىزدىگىنىڭ تۇراقتى بازالىق دەڭگەيىن قامتاماسىز ەتۋ ءۇشىن تاياۋ بولاشاقتا قالعان 178 باسىم دارى-دارمەكتىڭ ءوندىرىسىن جولعا قويۋ قاجەت، دەپ اتاپ ءوتتى مينيستر.