پروفيلاكتيكالىق جۇمىس جاستاردى اقپاراتتاندىرۋعا باعىتتالعان.
ناۋرىزدىڭ ءبىرىنشى اپتاسىندا جاستار دەنساۋلىق ورتالىقتارىندا اشىق ەسىك كۇندەرى وتەدى، دەپ حابارلايدى Almaty-akshamy.kz
2023 جىلعى 1-7 ناۋرىز ارالىعىندا ەلىمىزدىڭ بارلىق وڭىرلەرىندە جاستار اراسىندا پروفيلاكتيكالىق جۇمىسقا باعىتتالعان جاستار دەنساۋلىق ورتالىقتارىندا اشىق ەسىك كۇندەرى وتكىزىلەتىن بولادى.
پروفيلاكتيكالىق جۇمىس جاستاردى اقپاراتتاندىرۋعا جانە تاربيەلەۋگە، ولاردىڭ ءقاۋىپسىز مىنەز-قۇلقى مەن قاجەتتى ومىرلىك داعدىلارىن قالىپتاستىرۋعا باعىتتالعان.
جدو ءوز قىزمەتىندە دەنساۋلىقتى ساقتاۋعا، جاسوسپىرىمدەردىڭ اراسىنداعى ءقاۋىپتى مىنەز-قۇلىقتى تومەندەتۋگە، الەۋمەتتىك سۇيەمەلدەۋگە جانە ىزگى نيەت، قولجەتىمدىلىك، ەرىكتىلىك جانە سەنىم قاعيداتتارى نەگىزىندە ولاردىڭ قۇقىقتارىن قورعاۋعا باعىتتالعان ءتيىمدى تەحنولوگيالاردى پايدالانادى.
جدو ماماندارى جۇمىسىنىڭ ماڭىزدى باعىتى ومىرلىك قيىن جاعدايعا تاپ بولعان جاسوسپىرىمدەر مەن جاستارعا كومەك كورسەتۋ بولىپ تابىلادى.
جاستار ورتالىقتارىندا رەپرودۋكتيۆتىك جانە پسيحيكالىق دەنساۋلىقتى ساقتاۋ بويىنشا كونسۋلتاسيالىق، ەمدەۋ-دياگنوستيكالىق، مەديسينالىق-پسيحولوگيالىق كومەك الۋعا بولادى.
سونداي-اق، اتالعان ورتالىقتاردا دۇرىس قۇنارلى تاماقتانۋدى، دەنە بەلسەندىلىگىن، سپورتپەن شۇعىلدانۋدى، تاماقتانۋدى ىلگەرىلەتۋ مەن ناسيحاتتاۋدى قوسا العاندا سالاماتتى ءومىر سالتىن ۇستانۋ داعدىلارىن ىلگەرىلەتۋ جانە قالىپتاستىرۋ؛ اۋرۋلاردىڭ، مىنەز-قۇلىق ءقاۋىپ فاكتورلارىنىڭ پروفيلاكتيكاسى (ناشاقورلىقتىڭ، تەمەكى بۇيىمدارىن، ونىڭ ىشىندە قىزدىرىلاتىن تەمەكى، كاليانعا ارنالعان تەمەكى، كاليان قوسپاسى بار بۇيىمداردى، تەمەكىنى جىلىتۋعا ارنالعان جۇيەنى، ەلەكتروندىق تۇتىنۋ جۇيەلەرى مەن ولار ءۇشىن سۇيىقتىقتاردى، الكوگولدى جانە باسقا دا پسيحواكتيۆتى زاتتاردى تۇتىنۋدىڭ پروفيلاكتيكاسى)، جاسوسپىرىمدەر مەن جاستاردى دەنساۋلىقتى نىعايتۋ جانە الدىن الۋ ماسەلەلەرى بويىنشا، ءومىر سالتىنا بايلانىستى اۋرۋلار، ونىڭ ىشىندە رەپرودۋكتيۆتىك جانە پسيحيكالىق دەنساۋلىقتى ساقتاۋ ماسەلەلەرى بويىنشا گيگيەنالىق وقىتۋ بەلسەندى جۇرگىزىلۋدە.
جاستار دەنساۋلىق ورتالىقتارىنىڭ رەپرودۋكتيۆتىك جانە پسيحيكالىق دەنساۋلىقتى ساقتاۋ جونىندەگى قىزمەتتەرى:
10 جاستان 18 جاسقا دەيىنگى كامەلەتكە تولماعاندارعا؛
29 جاسقا دەيىنگى جاستارعا ۇسىنىلادى.
اقپاراتتىق ناۋقان شەڭبەرىندە ماماندار (اكۋشەر-گينەكولوگ، ۋرولوگ، دەرماتوۆەنەرولوگ، پسيحولوگ) كونسۋلتاسيالار، پسيحولوگيالىق كونسۋلتاسيالار جانە سەمينار-ترەنينگتەر وتكىزۋ ارقىلى رەپرودۋكتيۆتىك جانە پسيحيكالىق دەنساۋلىقتى ساقتاۋ ماسەلەلەرى بويىنشا جاسوسپىرىمدەر مەن جاستاردىڭ حاباردارلىعىن ارتتىرۋعا ەرەكشە نازار اۋدارىلاتىن بولادى.