جولدا قۇقىق بۇزۋدى ادەتكە اينالدىرعان جىگىتكە ايىپپۇل سالىندى.
جول قوزعالىسى ەرەجەسىن ورەسكەل بۇزۋ دەرەكتەرى الەۋمەتتىك جەلىلەرگە جۇرگىزىلگەن مونيتورينگ بارىسىندا بەلگىلى بولدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«ءبىزدىڭ بولىمشەنىڭ ىزدەستىرۋ ءبولىمىنىڭ قىزمەتكەرلەرى تەكسەرىس جۇرگىزدى، ناتيجەسىندە ءال-فارابي داڭعىلىمەن شىعىس باعىتتا كەلە جاتىپ، جول قوزعالىسى ەرەجەلەرىن ورەسكەل بۇزعان BMW اۆتوكولىگىنىڭ جۇرگىزۋشىسى انىقتالدى. ونىڭ ارەكەتىندە 29 قۇقىق بۇزۋشىلىقتىڭ بەلگىلەرى بايقالدى: ق ر اقبتك-نىڭ 595-بابى 1-بولىگى – مانيەۆر جاساۋ ەرەجەلەرىن بۇزۋ بويىنشا 27 حاتتاما، تاعى 2 حاتتاما ق ر اقبتك-نىڭ 606-بابى 1-بولىگى – اپاتتىق جاعدايدى تۋىنداتۋ بويىنشا تولتىرىلدى. سالىنعان ايىپپۇلدىڭ جالپى سوماسى 534 مىڭ 750 تەڭگەنى قۇرادى»، – دەدى الماتى قالالىق پد جەرگىلىكتى پوليسيا قىزمەتى باسقارماسىنىڭ باستىعى ەرجان ۇزابايەۆ.