الماتىداعى Aport East مولىندا لازەرلى IMAX كينوزالى اشىلدى. ول HALYK IMAX Kinopark 16 كينوتەاترىندا ورنالاسقان.
ەسكە سالا كەتەيىك، قالانىڭ شىعىس قاقپاسىنداعى قۇلجا جولىندا ورنالاسقان مولل 21 قازاندا اشىلعان بولاتىن. IMAX كينوزالى كولەمى بويىنشا ورتالىق ازيادا ەڭ ۇلكەنى سانالادى، دەپ حابارلايدى اlmaty-akshamy.kz.
ول زاماناۋي تەحنولوگيالارمەن جابدىقتالعان. ال ەكرانىنىڭ بيىكتىگى – 14، ەنى – 25 مەتر. ەلىمىزدەگى العاشقى لازەرلى IMAX كينوزالى – Kinopark-Kinoplexx Theatres كومپانياسىنىڭ ەڭ ۇلكەن جوباسى. وزىق تەحنولوگيامەن جابدىقتالعان زالعا 480 كورەرمەن سىيادى. ناقتىراق ايتساق، لازەرلى پروەكسيالىق جۇيە، 12 كانالدى دىبىس جانە بيىكتىگى 14، ەنى 25 مەترلىك ەكران بار. مۇنداي زالدا كينو كورۋدىڭ ءوزى ءبىر عانيبەت.
دميتريي ريەۆين، Aport مولدارى باس ديرەكتوردىڭ ينۆەستيسيالار جانە بيزنەستى دامىتۋ بويىنشا ورىنباسارى: - بۇل – ورتالىق ازياداعى العاشقى ءارى بىرەگەي جوبا. ويتكەنى سوڭعى IMAX زالى 11 جىل بۇرىن اشىلعان بولاتىن. جاڭا زال تولىقتاي زاماناۋي تەحنولوگيامەن جابدىقتالعان. 377 شارشى مەترلىك ەكران، 12 كانالدى دىبىس جانە باسقا دا قۇرىلعىلار – الەمدەگى ۇزدىك وندىرۋشىلەردىڭ ءونىمى.
6680 شارشى مەترلىك HALYK IMAX Kinopark 16 كينوتەاترىندا IMAX كينوزالىنان وزگە تاعى 15 جايلى زال بار. ءىرى جوبانى Halyk Bank قارجىلاندىرعان. كينوتەاتر اۋماعىندا كورەرمەندەرگە ارنالعان Tiger Coffee&Food مەيرامحاناسى بار. قوناقتار تاماق پەن سۋسىندى ونلاين ساتىپ الا الادى.
ەرلان بۇحاربايەۆ، Kinopark & Kinoplexx Theatres PR-ديرەكتورى: - جاڭا كينوتەاتر 16 كينوزالدان تۇرادى. سونىڭ ءبىرى – 480 ورىندىق IMAX. مۇندا گولليۆۋدتىق، ەۋروپالىق جانە وتاندىق جاڭا كينولار كورسەتىلەدى. سونىمەن قاتار پرەمەرالار وسى كينوتەاتردا وتەدى.
Aport East موللىنىڭ اۋماعى 150 مىڭ شارشى مەتر. مۇندا برەندىك دۇكەندەر، ءدامحانالار جەلىسى، ويىن الاڭى بار. Kinopark-Kinoplexx كومپانياسى IMAX زالىندا رەسمي جانە ارنايى كورسەتەلىمدەر وتكىزبەك. ناقتىراق ايتساق، دەرەكتى فيلمدەر مەن سالا ماماندارىنا ارنالعان شەبەرلىك جۇمىستار ۇسىنىلادى. كورەرمەندەر 3D فورماتتاعى كارتينالاردى دا تاماشالاي الادى.
يستوچنيك: https://24.kz/kz/zha-aly-tar/zharnama/item/632006-almatyda-ortaly-aziyada-y-e-lken-imax-kinozaly-ashyldy
قولدانىلعان ماتەريالدارعا مىندەتتى تۇردە www.24.kz سايتىنا گيپەرسىلتەمە بەرىلۋى ءتيىس