ىىم-دە ەكىنشى رەت وتكىزىلگەن “سەرت” رەسپۋبليكالىق دەتەكتيۆتىك جانرداعى ادەبي شىعارمالار بايقاۋىنىڭ جەڭىمپازدارى ماراپاتتالدى.
قالامگەرلەر بايگەسىنىڭ نەگىزگى ماقساتى – ىشكى ىستەر ورگاندارى قىزمەتكەرلەرىنىڭ قيىن دا كۇردەلى قىزمەتىن حالىققا جان-جاقتى اشىپ كورسەتۋ. ەلىمىزدە دەتەكتيۆ جانرىنىڭ نەگىزىن قالاعان جازۋشىلار دميتريي سنەگين، قالمۇحان يسابايەۆ، امانتاي بايتانايەۆ جانە كەمەل توقايەۆ. ولاردىڭ شىتىرمان سيۋجەتتەرى ءالى كۇنگە دەيىن وقىرمانداردىڭ جادىندا، دەپ حابارلايدى
بايقاۋعا ىشكى ىستەر ورگاندارىنىڭ ارداگەرلەرى، زاڭگەرلەر، كاسىبي ادەبيەتشىلەر قاتىسىپ، 50-گە جۋىق شىعارما جولدادى. ولاردىڭ ەڭبەكتەرىنە ەسىمدەرى ەلگە تانىمال وتاندىق جازۋشىلار، اقىندار مەن ادەبيەتشىلەر باعا بەردى. “قاناتتى قالام” نوميناسياسىن “س مويح سلوۆ زاپيسانو ۆەرنو” شىعارماسىنىڭ اۆتورى ۆلاديمير بىچكوۆ، “ءسوز ساردارى” نوميناسياسىن “امانات” شىعارماسىنىڭ اۆتورى اينۇر سەمبايەۆا، “شىتىرمان وقيعا شەبەرى” نوميناسياسىن “سابىر يز ۋبوينوگو وتدەلا” شىعارماسىنىڭ اۆتورى سايا يساباي، “قارىمدى قالامگەر” نوميناسياسىن “نابات” شىعارماسىنىڭ اۆتورى توكەن الجانتەگى يەلەندى.
ءۇشىنشى ورىندى “گراجدانين ناچالنيك” شىعارماسىنىڭ اۆتورى ديحان بايمۇحامبەتوۆ يەلەندى.
ەكىنشى ورىندى “سەن بۇگىن ەرەكشە ادەمىسىڭ” شىعارماسىنىڭ اۆتورى جادىرا شامۇراتوۆا قانجىعالادى.
ءبىرىنشى ورىندى “كيللەردىڭ قاتەلىگى” تۋىندىسىنىڭ اۆتورى اناربەك مۇحتار الدى.
“سەرت” بايقاۋىنىڭ باس جۇلدەسى “فارتوۆىي” تۋىندىسىنىڭ اۆتورى بەكبولات سارباسوۆقا بۇيىردى.
شىعارمادا ول پوليسيادا جۇمىس ىستەگەن كەزىندە ءوزى كۋا بولعان وقيعالاردى سيپاتتايدى. ىشكى ىستەر ءمينيسترى ەرجان سادەنوۆ جەڭىمپازداردى قۇتتىقتاپ، الدا وتكىزىلەتىن بايقاۋلارعا قاتىسۋشىلار قاتارىنىڭ ارتاتىندىعىنا سەنىم ءبىلدىردى.
ەستەرىڭىزگە سالا كەتەيىك، “سەرت” رەسپۋبليكالىق دەتەكتيۆتىك ادەبي شىعارمالار بايقاۋىن ەل تاريحىندا العاش رەت ىشكى ىستەر مينيسترلىگى 2021 جىلى وتكىزگەن بولاتىن. ونىڭ قورىتىندىسى بويىنشا قازىرگى جازۋشىلاردىڭ دەتەكتيۆ جانرىنداعى شىعارمالارى بار ەكى تومدىق جيناق جارىققا شىقتى.