كەلەسى جىلى نەشە كۇن دەمالامىز؟

3 قاڭتار – جۇمىس كۇنى.

سونىمەن جاڭا جىلدا، 1 جانە 2 قاڭتاردا دەمالامىز، دەپ حابارلايدى Almaty-akshamy.kz

جالپى قازاقستاندىقتارعا جاڭا جىلدى تويلاۋعا 4 كۇن بەرىلگەن:

بەس كۇن جۇمىس ىستەيتىندەر 30، 31 جەلتوقسان، 2024 جىلدىڭ 1 جانە 2 قاڭتار دەمالادى. 2024 جىلى روجدەستۆو كۇنى جەكسەنبىگە سايكەس كەلەدى، ءبىراق كەيىنگە قالدىرۋ جوسپارلانباعان. سوندىقتان بيىل قوسىمشا دەمالىس كۇنى بولمايدى.

ناۋرىزدا ءبىز ەكى مەرەكەنى تويلايمىز – 8 ناۋرىز جانە ناۋرىز.

8 ناۋرىزدا 3 كۇن دەمالىس بولادى. 8 ناۋرىز جۇما كۇنىنە سايكەس كەلەتىندىكتەن، بەس كۇن جۇمىس ىستەيتىندەر سايكەسىنشە 8، 9 جانە 10 ناۋرىزدا، التى كۇن جۇمىس ىستەيتىندەر ەكى كۇن دەمالادى.

ناۋرىز مەرەكەسىن 5 كۇن تويلايمىز: 21، 22، 23، 24، 25 ناۋرىز.

مەرەكە سەنبى كۇنىنە تۇسكەندىكتەن، دۇيسەنبى دە قوسىمشا دەمالىس كۇنا رەتىندە بەرىلەدى.

مامىر ايىندا ءبىرقاتار مەرەكەنى تويلايمىز: قازاقستان حالقىنىڭ بىرلىگى كۇنى، وتان قورعاۋشىلار كۇنى جانە جەڭىس كۇنى.

ءار مەرەكە ءۇشىن ءبىر كۇن دەمالىس بەرىلەدى: 1، 7 جانە 9 مامىر (سارسەنبى، سەيسەنبى جانە بەيسەنبى).

ماۋسىم ايىندا دا قوسىمشا دەمالىستار بار: مۇسىلمان كۇنتىزبەسى بويىنشا اتاپ وتىلەتىن قۇربان ايتتىڭ ءبىرىنشى كۇنى – 17 ماۋسىم، دۇيسەنبى. سونىمەن قاتار قمدب جاڭا ايعا بايلانىستى ءدىني مەرەكە كۇندەرى كەيىنگە شەگەرىلۋى مۇمكىن ەكەنىن ايتتى.

شىلدە ايىندا استانا كۇنىنە بايلانىستى 3 كۇن دەمالىس بولادى. 6 شىلدە سەنبىگە ساي كەلگەندىكتەن، 8 شىلدە قوسىلىپ بەرىلەدى. بەس كۇن جۇمىس ىستەيتىندەر 6، 7 جانە 8 شىلدە، ال التى كۇن جۇمىس ىستەيتىندەر ەكى كۇن دەمالادى.

30 تامىزدا كونستيتۋسيا كۇنىن اتاپ وتەمىز. بۇل كۇن جۇماعا تۇسكەندىكتەن، بەس كۇن جۇمىس ىستەيتىندەر ءۇش كۇن دەمالادى: 30، 31 تامىز جانە 1 قىركۇيەك.

قازان ايىندا رەسپۋبليكا كۇنىن تويلايمىز. سوعان وراي ءۇش كۇن قاتار دەمالامىز: 25، 26 جانە 27 قازان.

2024 جىلعى جەلتوقساندا تاۋەلسىزدىك كۇنىنە وراي قاتارىنان ءۇش كۇن دەمالىس بولادى: 14، 15 جانە 16 جەلتوقسان (دۇيسەنبى). التى كۇن جۇمىس ىستەيتىندەر سايكەسىنشە ەكى كۇن عانا دەمالادى.