الىمجەتتىكتەن تەك اسكەردەگى ساربازدار عانا ەمەس، قاراپايىم مەكتەپ وقۋشىلارى دا زارداپ شەگەدى.
سۋرەتتە 2 قىركۇيەكتە جوعارى سىنىپ وقۋشىلارىنىڭ قولىنان قازا تاپقان سىدىق نۇرجان بەينەلەنگەن. ونىڭ اپكەسىنىڭ ايتۋىنشا، كوپين ورتا مەكتەبىندە جىلدار بويى بۇل "جوعارى سىنىپ وقۋشىلارىنىڭ الىمجەتتىگى" جالعاسىپ كەلەدى، دەپ حابارلايدى aqshamnews.kz.
سول كۇنى 10-11 سىنىپ وقۋشىلارى نۇرجان مەن ونىڭ سىنىپتاستارىن (9 سىنىپ وقۋشىلارىن) تاستاندى مونشاعا اپارىپ (مۇمكىن، ولاردىڭ "جەكپە-جەك الاڭى" سوندا بولعان) قاتتى ۇرىپ-سوققان. وكىنىشكە وراي، نۇرجانعا تيگەن سوققىلار ولىمگە اكەلدى. بارلىعى وقيعا ورنىنان كەتىپ، بالانى ءولىم اۋزىندا قالدىرىپ، ونىڭ وتباسىنا حابارلاماعان.
نۇرجاندى كوشەدەگى ءبىر ادام ءولى كۇيىندە تاۋىپ الدى. ونىڭ مۇرنى مەن قۇلاعىنان كوپ قان كەتكەن، ومىرلىك ماڭىزدى مۇشەلەرىنە اۋىر سوققىلار جاسالعان.
نۇرجاننىڭ وتباسى كىنالىلەر جازادان قۇتىلىپ كەتە مە دەپ قورقادى، سەبەبى ولاردىڭ اراسىندا بولعاندار مەكتەپ اكىمشىلىگىنىڭ بالالارى بولىپ تابىلادى جانە قۇقىق قورعاۋ ورگاندارىندا بايلانىستارى بولۋى مۇمكىن.نۇرجاننىڭ اپكەسى كۋاگەرمەن حات الماسۋدىڭ سكرينشوتتارىمەن ءبولىستى.
