V دۇنيەجۇزىلىك كوشپەندىلەر ويىندارىنا دايىندىق جانە ۇيىمداستىرۋ ديرەكسياسى باسشىسىنىڭ ورىنباسارى ابىلاي كوندىبايەۆ ويىنعا بيۋدجەتتەن 5،7 ملرد تەڭگە بولىنگەنىن ايتتى، دەپ حابارلايدى aqshamnews.kz.
ابىلاي كوندىبايەۆتىڭ مالىمەتى بويىنشا، شىعىننىڭ باسىم بولىگى قوناقتاردىڭ جاتىن ورنى مەن تاماقتانۋىنا جۇمسالماق.
2430 قاتىسۋشى بىزگە كەلەدى دەپ ايتتىق. ءبىز بەسىنشى ويىنداردى وتكىزەمىز. قالىپتاسقان داستۇرلەر بار. ءبىزدىڭ ۇلتتىق قۇرامامىز دا بارلىق ويىندارعا قاتىستى. بارلىق وسى داستۇرلەر بويىنشا قابىلداۋشى تاراپ ءارقاشان كەلگەن قوناقتاردىڭ بارلىق شىعىندارىن ءوز موينىنا الدى، - دەدى ول.
سپيكەر ءبىر شەتەلدىك سپورتشىنىڭ شىعىنى 2 ملن تەڭگەنى قۇرايتىنىن ايتتى.
ءار قوناققا شامامەن 1 800 000 تەڭگە جۇمسايمىز. نەگىزگى شىعىن بارلىق كەلگەن قوناقتاردى ورنالاستىرۋ، تاماقتاندىرۋ جانە تاسىمالداۋعا كەتەدى، - دەپ ناقتىلادى ابىلاي كوندىبايەۆ.