الماتى قالاسىنىڭ قالا قۇرىلىسىن باقىلاۋ باسقارماسىنىڭ اقپاراتى بويىنشا، بۋرۋندايسكايا كوشەسى، 91/10 بويىنشا وزىنە-وزى قىزمەت كورسەتۋ اۆتوجۋۋ ورنىن سوت زاڭسىز دەپ تانىعان، دەپ حابارلايدى aqshamnews.kz
بۇعان دەيىن ۋچاسكەنى جالعا الۋشى (جەكە تۇلعا) جول بەرىلگەن بۇزۋشىلىقتاردى جويۋعا نۇسقاما بەرە وتىرىپ، اكىمشىلىك جاۋاپكەرشىلىككە تارتىلعان بولاتىن.
كەيىنىرەك باسقارما زاڭسىز تۇرعىزىلعان نىساندى بۇزۋعا تالاپ ارىز بەردى. الماتى قالاسى سمەس-تىڭ 2023 جىلعى 22 جەلتوقسانداعى شەشىمىمەن وبەكت ءوز بەتىنشە سالىنعان دەپ تانىلدى جانە بۇزۋ تۋرالى تالاپ-ارىزدار قاناعاتتاندىرىلدى.
الماتى قالالىق سوتىنىڭ اعىمداعى جىلعى 1 ساۋىردەگى قاۋلىسىمەن ءبىرىنشى ساتىداعى شەشىم وزگەرىسسىز قالدى.
نىساندى بۇزۋدى جالعا الۋشى بۇگىن ادىلەت دەپارتامەنتىنىڭ سوت ورىنداۋشىلارىنىڭ كومەگىمەن ءوز بەتىنشە باستادى.
ەسكە سالساق، الماتى اكىمى ەربولات دوسايەۆتىڭ زاڭسىز قۇرىلىسقا باقىلاۋدى كۇشەيتۋ جونىندەگى تاپسىرماسى اياسىندا وتكەن جىلدىڭ باسىنان بەرى 47 زاڭسىز نىسان، ونىڭ ىشىندە «مەچتا»، «Khan»، «الما گاردەن» تۇرعىن ءۇي كەشەندەرى جانە باسقالارى تولىعىمەن نەمەسە ءىشىنارا بۇزىلعان.