وقكا-دا كۇردەلى جوعارى تەحنولوگيالىق وپەراسيا جاسالدى

الماتى قالاسىنىڭ ورتالىق قالالىق كلينيكالىق اۋرۋحاناسىنا (وقكا)— بۇرىن جامباس-سان بۋىنىنا ەندوپروتەزدەۋ جاسالعان وڭ جاق سان سۇيەگىنىڭ جابىق پەريپروتەزدىك كوپسىنىقتى سىنۋى بار اۋىر جاراقات العان ناۋقاس ءتۇستى.
اياق-قولدىڭ قىزمەتىن ساقتاۋ ماقساتىندا كۇردەلى جوعارى تەحنولوگيالىق حيرۋرگيالىق ارالاسۋ قاجەت بولدى. دارىگەرلەر وڭ جاق سان سۇيەگىنىڭ سىنۋىن بلوكتاۋشى پلاستينا مەن بۇراندالاردى قولدانا وتىرىپ بەكىتۋ وپەراسياسىن جۇرگىزىپ، بۇرىن ورناتىلعان ەندوپروتەزدىڭ ساباعىن تۇراقتاندىردى.
وپەراسيانى تراۆماتولوگ-دارىگەر نۋرجان نۋرالى انەستەزيولوگ-دارىگەر مەرگالي اديلەت مەرگاليدىڭ قاتىسۋىمەن ورىندادى.
مۇنداي حيرۋرگيالىق ارالاسۋلار تراۆماتولوگياداعى ەڭ كۇردەلى ساناتقا جاتادى، سەبەبى ولار جوعارى دالدىكتى، كاسىبي تاجىريبەنى جانە زاماناۋي مەديسينالىق تەحنولوگيالاردى قولدانۋدى تالاپ ەتەدى.
جاراقاتتىڭ اۋىرلىعىنا جانە وپەراسيانىڭ كۇردەلىلىگىنە قاراماستان، ناۋقاس كەلەسى كۇنى-اق بەلسەندى قوزعالا باستادى. ەرتە وڭالتۋ ءساتتى جۇرگىزىلگەن حيرۋرگيالىق ەم مەن مەديسينالىق كوماندانىڭ ۇيلەسىمدى جۇمىسىنىڭ ارقاسىندا مۇمكىن بولدى.