قارجى ۆيسە-مينيسترى ەرجان ءبىرجانوۆتىڭ ايتۋىنشا، ءموبيلدى اۋدارىمدار مىناداي ءۇش شارت بىردەي ورىندالسا عانا باقىلاۋعا الىنادى.
اۋدارىلعان سوما ءبىر ميلليون تەڭگەدەن اسسا؛
ءبىر ايدا 110 ادامنان كوپ ادامعا اۋدارىم جاسالسا؛
ءۇش اي قاتارىنان ءارتۇرلى ادامدارعا اۋدارىم جاسالىپ، جالپى سوما ميلليون تەڭگەدەن اسىپ كەتسە، تەكسەرىس بولادى.
«بالالارعا اقشا اۋدارۋ، دوستارىڭىزعا كومەك، قارىز بەرۋ، بۇلار زاڭدى. وعان ەشقانداي سۇراق بولمايدى»، – دەدى ەرجان ءبىرجانوۆ.
ونىڭ سوزىنشە، مىسالى، قاڭتار ايىندا 100 ادامنان كوپ، اقپاندا تاعى 100 ادامنان كوپ، ناۋرىزدا دا سولاي بولسا، جانە جالپى سوما ميلليون تەڭگەدەن اسسا، زاڭدى تۇلعاعا سالىق قاتەلىگىن تۇزەتۋ ءۇشىن حابارلاما جىبەرىلەدى. ال اۋدارىمدار ءار ايدا ءارتۇرلى بولسا، حابارلاما جولدانبايدى.