جاڭا جىلعا دەيىن اۋەزوۆ جانە بوستاندىق اۋداندارىندا دەمالىس كۇندەرى وتەتىن جارمەڭكەلەر كەڭەيتىلگەن فورماتتا — جۇما، سەنبى جانە جەكسەنبى كۇندەرى جۇمىس ىستەيدى، دەپ حابارلايدى aqshamnews.kz
ءۇش كۇندىك جۇمىس رەجيمىنە كوشۋ قالا تۇرعىندارى مەن قوناقتارىنا ىڭعايلى ۋاقىتتا 1 000-نان استام ءونىم ءتۇرىن، ونىڭ ىشىندە كوكونىس، جەمىس-جيدەك، ەت جانە ءسۇت ءونىمىن، سونداي-اق الەۋمەتتىك ماڭىزى بار ازىق-تۇلىك تاۋارىن ءتيىمدى باعامەن ساتىپ الۋعا مۇمكىندىك بەرەدى. اسىرەسە، بۇل مەرەكە كۇندەرى قارساڭىندا ماڭىزدى.
قالانىڭ باسقا اۋدانىندا جارمەڭكەلەر بۇرىنعىداي ەكى كۇندىك فورماتتا جۇمىسىن جالعاستىرادى. جارمەڭكەلەر وتەتىن مەكەنجايلار:
* اۋەزوۆ اۋدانى — وتەگەن باتىر كوشەسى (اباي داڭعىلىنان تومەن)؛
* بوستاندىق اۋدانى — «قازاقفيلم» شاعىناۋدانى (ءال-فارابي داڭعىلىنان جوعارى)؛
* المالى اۋدانى — ماسانچي كوشەسى (ايتەكە بي جانە گوگول كوشەلەرىنىڭ اراسى)؛
* المالى اۋدانى — جامبىل جانە اۋەزوۆ كوشەلەرىنىڭ قيىلىسى؛
* مەدەۋ اۋدانى — مەڭدىقۇلوۆ بۋلۆارى — بەكتۇروۆ كوشەسى؛
* جەتىسۋ اۋدانى — قۇلاگەر شاعىناۋدانى، سەرىكوۆ كوشەسى، 2.
دەمالىس كۇندەرى وتەتىن جارمەڭكەلەرگە اپتا سايىن شامامەن 50 مىڭ ادام كەلەدى. مۇندا 328 فەرمەر مەن اۋىل شارۋاشىلىعى تاۋارىن ءوندىرۋشى ءونىمىن ۇسىنادى.
جىل باسىنان بەرى جارمەڭكەلەر ارقىلى جالپى كولەمى 8،8 مىڭ توننادان استام ازىق-تۇلىك ءونىمى ساتىلدى.