سەۋل سوتى وڭتۇستىك كورەيانىڭ بۇرىنعى پرەزيدەنتى يۋن سوك ولگە 2024 جىلى ەلدە اسكەري جاعداي ەنگىزۋگە ۇمتىلعانى جانە قۇقىق قورعاۋ ورگاندارىنىڭ ونى قاماۋعا الۋ ارەكەتىنە كەدەرگى كەلتىرگەنى ءۇشىن 5 جىل تۇرمە جازاسىن كەستى، - دەپ حابارلايدى aqshamnews.kz ءتىلشىسى.
Yonhap اگەنتتىگىنىڭ دەرەگىنشە، سوت ونى ءىس بويىنشا تاعىلعان نەگىزگى ايىپتار بويىنشا كىنالى دەپ تانىعان. ال ەكس-پرەزيدەنتتىڭ قورعاۋشىلارى ۇكىمگە اپەللياسيا بەرەتىنىن ايتتى.
بۇدان بولەك، اسكەري جاعداي جاريالاۋ ارقىلى «بۇلىك ۇيىمداستىردى» دەگەن ايىپپەن جەكە ءىس قارالىپ جاتىر. وسى اپتادا ارنايى پروكۋرورلار بۇل ءىس اياسىندا ءولىم جازاسىن سۇراعان. سوت شەشىمى 19 اقپاندا شىعارىلادى دەپ كۇتىلەدى.
جالپى العاندا، يۋن سوك ءول سەگىز ءىس بويىنشا سوت الدىندا جاۋاپ بەرىپ جاتىر. ولاردىڭ قاتارىندا اسكەري جاعداي ەنگىزۋگە تالپىنىس، جۇبايىنا قاتىستى ىقتيمال سىبايلاس جەمقورلىق كۇدىگى جانە 2023 جىلى تەڭىز جاياۋ اسكەرىنىڭ قازا تابۋىنا بايلانىستى ايىپتار بار.
ەسكە سالايىق، يۋن سوك ءول 2024 جىلعى جەلتوقساندا اسكەري توتەنشە جاعداي ەنگىزبەك بولدى دەگەن ايىپپەن يمپيچمەنتكە ۇشىراعان. كونستيتۋسيالىق سوت بۇل شەشىمدى 2025 جىلعى 4 ساۋىردە رەسمي تۇردە بەكىتتى. 2025 جىلدىڭ قاڭتارىندا ول قىزمەتتە جۇرگەن كەزىندە قاماۋعا الىنىپ، ناۋرىزدا بوستاندىققا شىققان. الايدا تەرگەۋگە ىقپال ەتۋ ءقاۋپى بار دەگەن ۋاجبەن كەيىننەن ەكىنشى مارتە قايتا قاماۋعا الىندى.