بۇگىن الماتىدا "تازا قازاقستان" رەسپۋبليكالىق اكسياسىنىڭ "ونەگەلى ۇرپاق" اپتالىعى اياسىندا ەرىكتىلەر، قوعام قايراتكەرلەرى، مەملەكەتتىك قىزمەتكەرلەر جانە تۋعان ولكەسىنە بەي-جاي قارامايتىن بەلسەندى قالا تۇرعىندارى زەينەتكەرلەرگە، ۇلى وتان سوعىسى مەن ەڭبەك مايدانىنىڭ ارداگەرلەرىنە ۇيلەرىنىڭ اۋلالارىن تازالاپ، كوركەيتۋگە كومەكتەسىپ جاتىر. سونىمەن قاتار بۇگىن تۇرمىستىق قوقىستى سۇرىپتاۋ، ءقاۋىپتى قالدىقتاردى دۇرىس كادەگە جاراتۋ بويىنشا ەكو-جوبالار ىسكە اسىرىلۋدا.
يگى ءىس اتقارىلعان مەكەن-جايلاردىڭ ءبىرى – كاريموۆ كوشەسى 187ا. بەلسەندىلەر وسى مەكەن-جايدا تۇراتىن مۇمكىندىگى شەكتەۋلى زەينەتكەر شولپان نۇرماعامبەتوۆاعا كومەكتەستى، ايالۋى انانىڭ باتاسىن الدى، دەپ حابارلايدى Almaty-akshamy.kz.
«قالانىڭ جۇمىسپەن قامتۋ جانە الەۋمەتتىك باعدارلامالار باسقارماسىنىڭ جەلىسى بويىنشا بۇل مەكەن-جاي تاڭدالدى، سەبەبى مۇندا مۇمكىندىگى شەكتەۋلى زەينەتكەر تۇرادى. ءبىزدىڭ ۆەدومستۆونىڭ سەگىز ادامى بۇگىن يگى ىسكە اتسالىسىپ، الماتىلىقتارعا وسى باستامامەن ۇلگى كورسەتكىسى كەلەدى. بۇل يگى ءىس ءبىر رەتتىك بولمايتىنىنا جانە ءوزىنىڭ لايىقتى جالعاسىن تاباتىنىنا سەنىمدىمىن»، - دەپ اتاپ ءوتتى الماتى قالاسى جۇمىسپەن قامتۋ جانە الەۋمەتتىك باعدارلامالار باسقارماسىنىڭ ءبولىم باسشىسى ابىلاي تولەگەنوۆ.
زەينەتكەردىڭ ۇيىنە كەلگەن بەلسەندىلەر اۋلا قورشاۋىن بوياپ قانا قويماي، ءۇي اۋماعىنداعى قوقىستاردى، ارامشوپتەردى شىعارۋعا كومەكتەستى.
«مەن كورسەتىلگەن كومەككە العىسىمدى بىلدىرەمىن. جاقىندا ماعان وتا جاسالىپ، مۇنداي جۇمىسقا كۇشىم بولماپ ەدى. ءبىراق كوكتەمدە اۋلادا ىستەيتىن جۇمىس كوپ»، - دەيدى شولپان نۇرماعامبەتوۆا.
جالپى مەگاپوليستە ناۋقان باستالعاننان بەرى قالا تۇرعىندارىنا ءارتۇرلى تۇستەگى 2،4 مىڭ ليتر بوياۋ تەگىن تاراتىلدى. قالا تۇرعىندارى الىنعان لاك-بوياۋ ماتەريالدارىن ءوز اۋلالارىنداعى ورىندىقتاردى، سونداي-اق جەكە ۇيلەردەگى قورشاۋلار مەن قاقپالاردى جاقسارتۋ ءۇشىن پايدالاندى.
ەستەرىڭىزگە سالا كەتەيىك، 8 ءساۋىر مەن 8 مامىر ارالىعىندا الماتىدا "ءالماتى-بىزدىڭ ورتاق ءۇيىمىز"ناۋقانى ءوتىپ جاتىر. ءاربىر تۇرعىن قالانىڭ دامۋى ۇلەس قوسا الادى. بارلىق اقپارات almaty.kz سايتىندا جانە الماتى اكىمدىگىنىڭ الەۋمەتتىك جەلىلەرىندە ورنالاستىرىلعان. سونداي-اق، ۆەب-سايتقا قالا بويىنشا ورنالاستىرىلعان باننەرلەردە، پلاكاتتاردا جانە پلاكاتتاردا ارنايى QR-كود ارقىلى كىرۋگە بولادى.