الماتىلىق ەرىكتىلەر زەينەتكەردىڭ اۋلاسىن تازارتتى

رەسپۋبليكالىق “تازا قازاقستان” ەكولوگيالىق اكسياسىنىڭ “ونەگەلى ۇرپاق” كومپانياسى اياسىندا ەرىكتىلەر زەينەتكەردىڭ اۋلاسىن تازارتىپ، قاقپاسىن بويادى.

بۇگىن الماتىدا "تازا قازاقستان" رەسپۋبليكالىق اكسياسىنىڭ "ونەگەلى ۇرپاق" اپتالىعى اياسىندا ەرىكتىلەر زەينەتكەردىڭ اۋلاسىن تازارتىپ، كوگالداندىرۋ جۇمىستارىن جۇرگىزدى.

ەرىكتىلەردىڭ ماقساتى – پرەزيدەنتتىڭ باستاماسىنا قولداۋ كورسەتە وتىرىپ، وزگە دە تۇرعىنداردى تازالىق اكسياسىنا اتسالىسۋعا شاقىرۋ، قارتتارعا قامقورلىق، قۇرمەت كورسەتۋ. وسى رەتتە ەرىكتىلەر قولدارىنا كۇرەكتەرىن ۇستاپ، جەمىس اعاشتارىن ەگىپ، قاريانىڭ باقشاسىن تازالاپ بەردى. وسىنداي كومەك كورستەلىگەن قاريالاردىڭ ءبىرى پاننا كەربس ەسىمدى زەينەتكەر. ول كىسى قاراسۋ ىقشام اۋدانىنداعى ميچۋرين 41/3 مەكەن-جايىنىڭ تۇرعىنى.

- مۇنداي يگى ءىس جاساۋ ءبىزدىڭ زەينەتكەرلەرگە دەگەن سىيلاستىعىمىزدىڭ بەلگىسى. وسىنداي تازالىق شارالارىنىڭ كوپ بولىپ جاتقانى قۋانتادى. ءبىز ءاردايىم قارتتارعا كومەكتەسۋگە دايىنبىز. ءارى مۇنى، ازاماتتىق پارىزىمىز دەپ ويلايمىن. سوندىقتان، بارلىعىمىز ءبىر جۇدىرىقتاي جۇمىلعانىمىز دۇرىس، - دەدى زەينەتكەردىڭ اۋلاسىن تازالاۋعا كەلگەن الماتى قالاسى جۇمىسپەن قامتۋ باعدارلامالار باسقارماسىنىڭ “قامقور” الەۋمەتتىك ورتالىعىنىڭ شارۋاشالىق مەڭگەرۋشىسى كەنەسجان ومارحان ۇلى.

ءوز كەزەگىندە بەلسەندى ەرىكتىلەر قاريالارعا كومەك كورسەتۋ وسكەلەڭ ۇرپاقتىڭ پارىزى ەكەنىن اتاپ ءوتىپ، وسىنداي ىزگىلىكتى ىستەر وزگە دە قالالاردا ۇيىمداستىرىلسا دەگەن تىلەگىن دە جەتكىزدى.

- كوپتەن بەرى تازالاۋعا شامام بولماي جۇرگەن. اۋلامدى تازلاۋعا كەلگەن مەيرىمدى جاندارعا العىسىم شەكسىز. بارلىعى بەلسەنە اتسالىسىپ جاتقانىنا وتە قۋانىشتىمىن. ءاردايىم، وسىلاي جاقسىلىق جاساپ جارىسىپ جۇرەيىك، - دەدى زەينەتكەر پاننا كەربس.

ايتا كەتەيىك، الاتاۋ اۋدانى، «قاراسۋ» ىقشام اۋدانىندا تۇراتىن زەينەتكەردىڭ اۋلاسىن تازارتۋ رەسپۋبليكالىق اكسيا اياسىندا وتكىزىلىپ جاتىر. وسى رەتتە زەينەتكەر جاستارمەن سۇحبات قۇرىپ، ءوزىنىڭ ەستەلىكتەرىمەن ءبولىستى. اپالىق اقىلىن ايتىپ، باتاسىن بەردى. سونداي-اق ەكواكسيانىڭ جۇيەلى وتكىزىلۋىن قولدايتىنىن جەتكىزدى.

جالپى تازالىق اكسياسى باستالعالى قالادا جاسىل جەلەك اۋماعى ۇلعايىپ، شاھار اۋماعى گۇلدەرمەن جانە اعاشتارمەن تولىقتى.

ەستەرىڭىزگە سالا كەتەيىك، 8 ءساۋىر مەن 8 مامىر ارالىعىندا الماتىدا "ءالماتى-بىزدىڭ ورتاق ءۇيىمىز"ناۋقانى ءوتىپ جاتىر. ءاربىر تۇرعىن قالانىڭ دامۋى ۇلەس قوسا الادى. بارلىق اقپارات almaty.kz سايتىندا جانە الماتى اكىمدىگىنىڭ الەۋمەتتىك جەلىلەرىندە ورنالاستىرىلعان. سونداي-اق، ۆەب-سايتقا قالا بويىنشا ورنالاستىرىلعان باننەرلەردە، پلاكاتتاردا جانە پلاكاتتاردا ارنايى QR-كود ارقىلى كىرۋگە بولادى.