الماتى قالاسىنىڭ ناۋرىزباي اۋدانىندا تۇراتىن ۇلى وتان سوعىسىنىڭ ارداگەرى لەونيد نيكيتوۆيچ پودكولزين 98 جاستا. 17 جاسىندا مايدانعا اتتانعان ول گەرمانياداعى جەڭىس كۇنىن اتاپ وتكەن ەدى. سوعىس كەزەڭىن ەسكە الاتىن ارداگەر سول ءبىر قاندى مايدان جىلدارىن ەستەن شىعارعان ەمەس، مىنە، 40 جىلدان بەرى ول قولجازبالار مەن ولەڭدەردى مۇقيات ساقتاپ كەلەدى. ارداگەردىڭ ەڭ ۇلكەن ارمانى - كىتاپ شىعارۋ، سول ارقىلى بولاشاق ۇرپاققا مۇرا قالدىرۋ.
ناۋرىزباي اۋدانى اكىمىنىڭ ورىنباسارى ميراس نىسانالييەۆ اتاپ وتكەندەي، ءقازىر ەرىكتىلەر ارداگەر جازعان 300-دەن استام قولجازبانى باسپا فورماتىنا ازىرلەپ، باسپاحانامەن كىتاپتى شىعارۋ جونىندە كەلىسىم جاساۋ ۇستىندە. ەرىكتىلەر ارداگەرگە «تازا قازاقستان» رەسپۋبليكالىق ەكولوگيالىق اكسياسىنىڭ «ونەگەلى ۇرپاق» اپتالىعى، سونداي – اق «ءالماتى-بىزدىڭ ورتاق ءۇيىمىز» ناۋقانى اياسىندا ءۇيىن تازارتۋعا كومەكتەستى. ولار ارداگەردىڭ قورشاۋى مەن شاتىرىن سىرلادى، ۇيىلگەن وتىندى بولشەكتەپ، ارداگەردىڭ اۋلاسىن رەتكە كەلتىردى.
«ءبىز اۋدانداعى جالعىز ارداگەرىمىزگە باردىق. «جاقىنىڭا جاردەمدەس» اكسياسى اياسىندا اۋداندا زەينەتكەرلەر، مۇمكىندىگى شەكتەۋلى جاندار، ەڭبەك ارداگەرلەرى تۇراتىن 102 ءۇي تاڭدالدى. ەرىكتىلەرمەن بىرگە ءبىز ولارعا قاجەتتى كومەكتىڭ بارلىعىن كورسەتەمىز. سونىمەن قاتار، از قامتىلعاندارعا ازىق-تۇلىك سەبەتتەرىن اكەلەمىز»، - دەدى ناۋرىزباي اۋدانى اكىمىنىڭ ورىنباسارى.
ونىڭ ايتۋىنشا، جاردەمدەسۋ تەك ءبىر رەتتىك اكسيا ەمەس، بەلسەندىلەر اۋدان اقساقالدارىنا ۇنەمى قولداۋ كورسەتىپ كەلەدى. جالعىزباستى، از قامتىلعان زەينەتكەرلەرگە، سوعىس جانە ەڭبەك ارداگەرلەرىنە «الماتى – ءبىزدىڭ ورتاق ءۇيىمىز» ناۋقانى اياقتالعاننان كەيىن دە جاردەمدەسۋ جالعاساتىن بولادى ءارى وسى شارانى ىسكە اسىرۋعا بىرنەشە ەرىكتىلەر بەكىتىلگەن.
ەستەرىڭىزگە سالا كەتەيىك، 8 ءساۋىر مەن 8 مامىر ارالىعىندا قالادا «ءالماتى-بىزدىڭ ورتاق ءۇيىمىز» ناۋقانى ءوتىپ جاتىر. ءاربىر تۇرعىن قالانىڭ دامۋى مەن تازارۋىنا ۇلەس قوسا الادى.
«تازا قازاقستان» رەسپۋبليكالىق ەكولوگيالىق اكسياسىنىڭ «ونەگەلى ۇرپاق» دەرەكتەرىنە سايكەس، الماتىدا ەرىكتىلەر، قوعامدىق، ۇكىمەتتىك ەمەس ۇيىمدار الماتىلىق زەينەتكەرلەرگە، ۇلى وتان سوعىسى جانە ەڭبەك مايدانىنىڭ ارداگەرلەرىنە ءوز اۋلالارىن رەتكە كەلتىرۋگە كومەكتەسەدى. سونىمەن قاتار، بۇگىندە تۇرمىستىق قوقىستاردى سۇرىپتاۋ، دۇرىس ەمەس قالدىقتاردى جويۋ بويىنشا ەكو-پروەكسيالار جۇزەگە اسىرىلۋدا.
بارلىق اقپارات almaty.kz سايتىندا، الماتى اكىمدىگىنىڭ الەۋمەتتىك جەلىلەرىندە ورنالاسقان. سونداي-اق، ۆەب-سايتقا ارنايى QR-كود ارقىلى قالا بويىنشا ورنالاستىرىلعان باننەرلەردە، پلاكاتتاردا جانە افيشالاردا كىرۋگە بولادى.
ناۋقاننىڭ بەلسەندى قاتىسۋشىلارىنا ارنالعان الەۋمەتتىك جەلىدەگى حەشتەگتەر: #الماتىناشوبششييدوم، #ناسمنوگوگورودودين، #ءالماتىبىزدىڭورتاقۇيىمىز، #بىزكوپپىزقالاجالعىز.