اعىمداعى جىلدىڭ 30 ءساۋىرى «تازا قازاقستان» رەسپۋبليكالىق ەكواكسياسىنىڭ «ونەگەلى ۇرپاق» تاقىرىپتىق اپتالىعى مەن «الماتى – ءبىزدىڭ ورتاق ءۇيىمىز» قالالىق اكسياسى اياسىندا «تاۋداعى تازالىق: قوقىستاردى جيناپ، تەگىن تۇسكى اس الىڭىز» اكسياسى ءوتتى.
كىشى جانە ۇلكەن الماتى شاتقالدارىنداعى «گورەلنيك» جانە «ايۋساي» تۋريستىك ورتالىقتارىنىڭ اۋماعىن تازالاۋعا قوعام بەلەندىلەرى، قالا تۇرعىندارى، ءتىپتى تۋريستەر دە قوسىلدى. شارا بارىسىندا قاتىسۋشىلارعا ءبىر قاپ قوقىس جيناپ، ونى تەگىن تۇسكى اسقا ايىرباستاۋ ۇسىنىلدى.
شارا ناتيجەسىندە تاۋ شاتقالدارىنان 600 كەلىگە جۋىق ءتۇرلى قوقىس جينالدى - پلاستيك بوتەلكەلەر، ازىق-تۇلىك پاكەتتەرى مەن قاپتامالار جانە دەمالۋشىلاردىڭ قالدىرعان تۇرمىستىق قالدىقتارى.
شارانى الماتى قالالىق تۋريزم باسقارماسى جانە Almaty Tourism Bureau بىرلەسىپ ۇيىمداستىردى جانە جەرگىلىكتى تۇرعىندار مەن الەمنىڭ تۇكپىر-تۇكپىرىنەن كەلگەن تۋريستەر ءۇشىن سۇيىكتى دەمالىس ورنى – ىلە الاتاۋىنىڭ قايتالانباس تابيعاتىنىڭ تازالىعىن ساقتاۋعا باعىتتالعان.
ەستەرىڭىزگە سالا كەتەيىك، 8 ءساۋىر مەن 8 مامىر ارالىعىندا الماتىدا «الماتى – ءبىزدىڭ ورتاق ءۇيىمىز» اكسياسى وتۋدە. قالانىڭ كوركەيىپ، وركەندەۋىنە ءاربىر تۇرعىن ءوز ۇلەسىن قوسا الادى.
بارلىق اقپارات almaty.kz سايتىندا، الماتى اكىمدىگىنىڭ الەۋمەتتىك جەلىلەرىندە ورنالاستىرىلعان. سونداي-اق قالانىڭ اينالاسىندا ورنالاسقان باننەرلەر، پلاكاتتار مەن پلاكاتتارداعى ارنايى QR كودىن پايدالانىپ ۆەب-سايتقا كىرۋگە بولادى.
الەۋمەتتىك جەلىلەردەگى ناۋقانعا بەلسەندى قاتىسۋشىلارعا ارنالعان حەشتەگتەر: #الماتىناشوبششييدوم، #ناسمنوگوگورودودين، #ءالماتىبىزدىڭورتاقۇيىمىز، #بىزكوپپىزقالاجالعىز.