Almaty-akshamy.kz سايتىندا بۇگىن جاريالانعان جاڭالىقتارعا شولۋ – كۇن كەرۋەنى
بەتپەردە تاقپايتىن بولدىق
ەلىمىزدە بەتپەردە تاعۋ رەجيمىنىڭ كۇشى جويىلدى. قاۋلى قول قويىلعان كۇنىنەن باستاپ كۇشىنە ەنەدى. ق ر باس مەملەكەتتىك سانيتارلىق دارىگەرى ايجان ەسماعامبەتوۆا "اۋا-تامشى جولىمەن بەرىلەتىن جۇقپالى اۋرۋلاردىڭ تارالۋىنىڭ الدىن الۋ بويىنشا پروفيلاكتيكالىق شارالاردى كۇشەيتۋ تۋرالى" 2024 جىلعى 8 اقپانداعى قاۋلىسىنىڭ كۇشىن جويدى. قۇجاتتا تۇماۋدىڭ جانە باسقا دا ءجىتى رەسپيراتورلىق ۆيرۋستىق ينفەكسيالاردىڭ ەپيدەميالىق ماۋسىمىنىڭ اياقتالۋىنا بايلانىستى قاۋلىنىڭ كۇشى جويىلعانى كورسەتىلگەن.
قىسقارعان ەسق
بۇگىننەن باستاپ ەسق وزگەرەدى، ەندى ادەتتەگىدەي 2 ەمەس، ءبىر عانا GOST فايلىنان تۇرادى. ول اۋتەنتيفيكاسيا ءۇشىن دە، قول قويۋ ءۇشىن دە جارامدى. قازاقستاندا ەلەكتروندى سيفرلىق قولتاڭبا بەرۋ تارتىبىنە قاتىستى قۇجاتقا ەنگىزىلەتىن وزگەرىستەر 30 ساۋىردەن باستاپ كۇشىنە ەنەدى. سوعان سايكەس، قازاقستان ق ر ست گوست ر 34.10-2015 كريپتوگرافيالىق ستاندارتىنا كوشەدى. جاڭا ستاندارت اياسىندا قازاقستاندىقتار 30 ساۋىردەن باستاپ ەلەكتروندى سيفرلىق قولتاڭبا العاندا جۇيەگە كىرۋگە ارنالعان AUTH RSA جانە قول قويۋعا مۇمكىندىك بەرەتىن RSA فايلدارىنىڭ ورنىنا ءبىر عانا GOST فايلى ۇسىنىلادى. بۇل فايل اتالعان ەكى قىزمەتتى دە جۇزەگە اسىرۋعا مۇمكىندىك بەرەدى.
الماتىنىڭ 10 جىلعى رەكوردى
الماتىدا سوڭعى 10 جىلدا ەكونوميكانىڭ رەكوردتىق ءوسۋى بايقالدى. 2023 جىلى الماتى قالاسىنىڭ جالپى وڭىرلىك ءونىمى ناقتى ماندە 10،1% ۇلعايىپ، 24،8 ترلن. تەڭگە بولدى، بۇل سوڭعى 10 جىلداعى رەكوردتىق كورسەتكىش.
مەگاپوليس ەكونوميكاسىنىڭ دامۋى جوعارى ينۆەستيسيالىق جانە ىسكەرلىك بەلسەندىلىكپەن قاتار ءجۇردى. 2023 جىلى الماتى قالاسىنا 1،8 ترلن. نەگىزگى كاپيتالعا سالىنعان ينۆەستيسيالار تەڭگەسى 25،3% ءوستى، بۇل رەتتە جەكە ينۆەستيسيا 35،5% ارتتى.
كەلىسىمسىز كەلىسسوز
وتكەن اپتادا امەريكا قۇراما شتاتتارىنىڭ مەملەكەتتىك حاتشىسى ەنتوني بلينكەن قىتايدا ءۇش كۇندىك ساپاردا بولىپ قايتتى. بلينكەن ساپارى الەم اقپارات قۇرالدارى باسا نازار اۋدارعان تاقىرىپتىڭ ءبىرى بولدى.
اق ءۇيدىڭ باس ديپلوماتىنىڭ ساپارى كەزىندە جۇڭگو ءتوراعاسى سي سزينپين مەن سىرتقى ىستەر ءمينيسترى ۆان يمەن جوعارى دەڭگەيدەگى كەزدەسۋلەر وتكىزدى. ءار ەلدىڭ ساراپشىلارى بۇل جوعارى دەڭگەيدەگى كەلىسسوز كەزدەسۋلەرىنىڭ ءمانى مەن ناتيجەسىن وزدەرىنشە ءتۇسىندىرىپ جاتىر. قالاي دەگەن كۇندە دە، امەريكا قۇراما شتاتتارى مەن جۇڭگو حالىق رەسپۋبليكاسى اراسىنداعى ەڭ نەگىزگى ماسەلەلەر سول كۇيىندە كەلىسىمسىز قالىپ قويدى. وسىدان بەيجىڭ مەن ۆاشينگتوننىڭ بۇل كەلىسپەۋشىلىكتەردى شەشۋى مۇلدە قيىنداپ كەتكەنىن بايقايمىز.
تۇتقىندالعان تۇرعىمبايەۆ
ءبىر كۇن بۇرىن الەۋمەتتىك جەلىلەردە قازاقستاننىڭ بۇرىنعى ىشكى ىستەر ءمينيسترى ەرلان تۇرعىمبايەۆتىڭ ۇستالعانى تۋرالى اقپارات پايدا بولدى. وسىعان بايلانىستى بۇگىن، 2024 جىلدىڭ 30 ساۋىرىندە ەلىمىزدىڭ باس پروكۋراتۋراسى مالىمدەمە جاسادى.
"اعىمداعى جىلدىڭ 29 ساۋىرىندە اۋىر زارداپتارعا اكەپ سوققان بيلىك پەن لاۋازىمدىق وكىلەتتىكتەردى اسىرا پايدالانعانى ءۇشىن (قك-نىڭ 362-بابى 4-بولىگى) قازاقستان رەسپۋبليكاسىنىڭ قىلمىستىق ءىس جۇرگىزۋ كودەكسىنىڭ 128-بابى تارتىبىندە ىشكى ىستەر ەكس-مينيسترى ە.ز.تۇرعىمبايەۆ ۇستالدى"، دەپ جازىلعان قازاقستان رەسپۋبليكاسىنىڭ باس پروكۋراتۋراسىنىڭ حابارلاماسىندا.
«سوعىستان قايتقان سولداتتار»
جىل ساناپ ازايىپ بارا جاتىر. قازاقستان بويىنشا 176 سوعىس ارداگەرى عانا قالعان. بيىل جەڭىستىڭ 79 جىلدىعىنا اسكەري شەرۋ وتكىزۋ جوسپارلانىپ وتىرعان جوق.
بىلتىر قازاقستان سوعىس ارداگەرلەرىنە تولەنەتىن تولەمدەردىڭ كولەمى بويىنشا تمد-نىڭ بارلىق ەلىن باسىپ وزعان. ەلىمىزدە جەڭىس كۇنىنە وراي ءار ارداگەرگە 1،5 ميلليون تەڭگە كولەمىندە جاردەماقى بەرىلدى. رەسەيدە 10-نان 50 مىڭ رۋبلگە دەيىن (شامامەن 50-250 مىڭ تەڭگە) تولەندى.
«1414» وتىرىك ايتا ما؟
«ۇلتتىق اقپاراتتىق تەحنولوگيالار» اق «1414» نومىرىنەن جىبەرىلگەن حابارلاماعا قاتىستى تۇسىنىك بەردى. مامانداردىڭ ايتۋىنشا، بۇل نومىردەن جىبەرىلگەن حابارلامالار جالعان ەمەس.
«1414» نومىرىنەن جىبەرىلگەن حابارلاما «eGov mobile» ءموبيلدى قوسىمشاسىنا تىركەلمەگەن پايدالانۋشىلارعا جىبەرىلىپ جاتىر. «EGov Mobile» ءموبيلدى قوسىمشاسى ءارتۇرلى جاعدايدا جەكە SMS جانە push-حابارلامالار جىبەرەدى. كورسەتىلگەن سىلتەمەگە ءوتىپ، «eGov mobile» ءموبيلدى قوسىمشاسىن ورناتۋعا بولادى»، - دەلىنگەن حابارلامادا.
40 گرادۋس قىرىپ بارادى
تايلاندتا اپتاپ ىستىقتان 30 ادام قايتىس بولعان. دى. بۇل ەلدەگى تەرمومەتر باعانى ءساۋىر ايىنىڭ باسىنان بەرى 40 گرادۋستان تومەن تۇسپەگەن. سينوپتيكتەردىڭ بولجامىنشا، ەلدىڭ ورتالىق جانە سولتۇستىك وبلىستارىندا جوعارى تەمپەراتۋرا وسى اپتانىڭ سوڭىنا دەيىن ساقتالادى. تۇرعىندار مەن تۋريستەرگە اشىق اۋادا ۇزاق بولماۋعا كەڭەس بەرىلەدى. ىستىقتان ەڭ كوپ زارداپ شەگەتىندەر – دالادا جۇمىس ىستەيتىندەر مەن باسپاناسىز ادامدار.