حالىقتىڭ بىرلىگىن ۇيىستىرىپ وتىراتىن ەلدىگىمىزدىڭ ۇلكەن بەلگىسى ول مەملەكەتتىك تۇتاستىق بولىپ تابىلادى.
كەشەگى قايعىلى وقيعا تەك جامبىل وبلىسىنىڭ تۇرعىندارىنىڭ باسىنا بىتكەن قاسىرەت ەمەس. ول – ءار قازاقستاندىقتىڭ جۇرەگىن سىزداتاتىن جاعداي. وسىعان وراي پرەزيدەنتىمىزدىڭ بۇل كۇندى قارالى كۇن دەپ قاراستىرۋى وتە ورىندى ارەكەت. ءارى زاڭدى قۇبىلىس. وسىنداي قيىن كەزدەردە ءبىزدىڭ حالىق رەتىندە، ۇلت رەتىندە تۇتاستىعىمىز بەن بىرلىگىمىز سىنعا تۇسەدى. باسىنا بۇلت تونگەندە جان-جاقتى قولداۋ كورسەتۋ ارقىلى جاناشىر ەلدىڭ بار ەكەنىن بايقاتىپ، ءبىرتۇتاس مەملەكەت رەتىندە سەزىندىردى. ۇلت رەتىندە ءبىزدىڭ بىرگە ەكەنىمىزدى جامبىلدىق اعايىندار سەزىنۋ كەرەك. قارالى كۇن دەپ جاريالانۋى – جاۋاپكەرشىلىكتىڭ نىشانى. قاسيەتتى تاراز شاھارىنىڭ حالقىنا ءبىز سىزدەرمەن بىرگەمىز دەگىم كەلەدى. مۇنداي جاعداي حالىق قاۋىپسىزدىگى ءۇشىن جاۋاپكەرشىلىككە ۇندەپ، سول جولداعى ارەكەتتەردى تارازى باسىنا قويىپ ساراپتايتىن ءسات دەپ قارالۋى ءتيىس. ويتكەنى، مەملەكەتىمىزدىڭ باستى قۇندىلىعى ول حالىقتىڭ قاۋىپسىزدىگىمەن ولشەنەدى.