قازا بولعان باتىرلار حالىق جادىندا ماڭگى قالادى.
بۇگىن قازاقستاندا جامبىل وبلىسىنىڭ بايزاق اۋدانىندا بولعان قايعىلى وقيعاعا بايلانىستى جالپىۇلتتىق ازا تۇتۋ كۇنى، دەپ حابارلايدى Almaty.akshamy.kz.
بۇل اپات ءبىزدىڭ ەلىمىزدىڭ تۇرعىندارىن بىرىكتىرىپ، بارلىق قازاقستاندىقتاردىڭ جۇرەگىنە اۋىر ءتيدى. زارداپ شەككەندەرگە ازاماتتىق قوعام مەن ونەر وكىلدەرى، ساياساتكەرلەر مەن بيزنەسمەندەر قولداۋ كورسەتەدى. قايعىعا ورتاقپىز.
ءتۇرلى قوعامدىق بىرلەستىكتەر مەن قاۋىمداستىقتار دا شەتتە قالمايدى.
قازاقستان ازەربايجاندار قاۋىمداستىعى ءوز حالقىمەن بىرگە ەكەندىگىن جەتكىزدى.
«ق ر پرەزيدەنتى 29 تامىزدى جامبىل وبلىسىنداعى وق-دارىلەر قويماسىندا ادام ولىمىنە اكەپ سوققان قايعىلى وقيعاعا بايلانىستى جالپىۇلتتىق ازا تۇتۋ كۇنى دەپ جاريالادى. قازاقستان ءازىربايجاندار قاۋىمداستىعىنىڭ اتىنان قازا تاپقان باتىرلاردىڭ – اسكەري قىزمەتشىلەر مەن قۇتقارۋشىلاردىڭ تۋعان-تۋىستارى مەن جاقىندارىنا شىن جۇرەكتەن كوڭىل ايتامىز. ولار ءبىزدىڭ جۇرەگىمىزدە جانە حالىقتىڭ جادىندا ماڭگى قالادى. ءبىز سىزدەرمەن بىرگە قايعىرامىز. يماندى بولسىن»، - دەپ جازىلعان قاۋىمداستىقتىڭ Facebook-تەگى رەسمي پاراقشاسىندا.