بەلگىلى كۇيشى، سازگەر نۇرعيسا تىلەندييەۆتىڭ جارى داريعا تىلەندييەۆا قايتىس بولدى.
قايعىلى حابار قۇرمانعازى اتىنداعى قازاق ۇلتتىق حالىق اسپاپتار وركەسترىنىڭ الەۋمەتتىك جەلىدەگى پاراقشاسىندا جاريالاندى، دەپ حابارلايدى aqshamnews.kz.
قازاقستاننىڭ ەڭبەك سىڭىرگەن ءارتيسى، تالانتتى اكتريسا، كۇيشى، سازگەر، حالىق قاھارمانى نۇرعيسا تىلەندييەۆتىڭ جارى داريعا تىلەندييەۆانىڭ ومىردەن وزۋىنا بايلانىستى قايعىرا كوڭىل ايتامىز. داريعا تىلەندييەۆا ۇلتتىق مادەنيەتىمىزدىڭ دامۋىنا سۇبەلى ۇلەس قوسقان كورنەكتى ونەر يەسى. ول حالىق قاھارمانى، كۇيشى-كومپوزيتور نۇرعيسا تىلەندييەۆتىڭ ومىرلىك جارى عانا ەمەس، سازگەردىڭ شىعارماشىلىق مۇراسىن ساقتاپ، كەيىنگى ۇرپاققا جەتكىزگەن تۇلعا بولدى. داريعا تىلەندييەۆا "قازاقفيلم" كينوستۋدياسىندا تۇسىرىلگەن "التى جاسار الپامىس"، "قۇلاگەر"، "اق ماشينا"، "جامبىلدىڭ جاستىق شاعى"، "قوشتاسقىم كەلمەيدى" سىندى كوركەم فيلمدەرى ارقىلى، ۇلتتىق كينو ونەرىندە وشپەس ءىز قالدىردى. ونىڭ ونەرى مەن رۋحاني مۇراسى قازاق حالقىنىڭ جۇرەگىندە ماڭگى ساقتالادى، – دەپ جازدى وركەستر ۇجىمى.
ايتا كەتەيىك، نۇرعيسا تىلەندييەۆ پەن داريعا تىلەندىكەلىنى 1967 جىلى الماتىداعى كينوستۋديادا تانىسقان ەكەن. سول ساتتە 42 جاستاعى اتى ايگىلى مۋزىكانت 19 جاستاعى ورىمدەي قىزدى بىردەن ۇناتىپ، سەزىمىن بىلدىرگەن. كوپشىلىككە تانىمال "كۋا بول" ءانى – كومپوزيتوردىڭ سۇيگەن جارىنا ارناعان ەڭ العاشقى تۋىندىسى.