سوت جەر ۋچاسكەسىنىڭ جەكە مەنشىككە بەرىلۋىن زاڭسىز دەپ تانىپ، ونى مەملەكەت مەنشىگىنە قايتاردىع، دەپ حابارلايدى aqshamnews.kz.
جەر ۋچاسكەسى مۇناي وڭدەۋ زاۋىتىن قايتا قۇرۋ اياسىندا مەملەكەتتىك قاجەتتىلىكتەر ءۇشىن الىنۋى جوسپارلانعان بولاتىن. الايدا، ق ر اشم جربك شىمكەنت قالاسىنىڭ جەر رەسۋرستارىن باسقارۋ دەپارتامەنتىنىڭ جوسپاردان تىس تەكسەرۋى ق ر جەر كودەكسىنىڭ 48-بابىن بۇزۋ ارقىلى جەر ۋچاسكەسى جەكە مەنشىككە بەرىلگەنىن انىقتادى. اتالعان باپقا سايكەس، جەر ۋچاسكەلەرىن مەملەكەت تاراپىنان بەرۋ تەك باسەكەلەستىك نەگىزدە، ياعني اۋكسيوندار مەن كونكۋرستار ارقىلى جۇزەگە اسىرىلۋى ءتيىس.
بۇل جاعدايدا جەر ۋچاسكەسى قاجەتتى راسىمدەر وتكىزىلمەي بەرىلگەن، بۇل زاڭنامانى تىكەلەي بۇزۋ بولىپ تابىلادى.
دەپارتامەنتتىڭ تالابىن شىمكەنت قالاسىنىڭ مامانداندىرىلعان اۋدانارالىق ەكونوميكالىق سوتى قاناعاتتاندىردى. شەشىم زاڭدى كۇشىنە ەندى.
ۋاقىتىلى قابىلدانعان شارالاردىڭ ارقاسىندا تەك زاڭدىلىقتى قالپىنا كەلتىرىپ قانا قويماي، مەملەكەتتىك بيۋدجەتتەن 164،2 ملن تەڭگە كولەمىندە نەگىزسىز شىعىنداردىڭ الدىن الۋ مۇمكىن بولدى.