ايتا كەتەيىك، ماريۋس پەتيپانىڭ قويىلىمى مۋزىكاسىنىڭ اۆتورى – ريكاردو دريگو. ال حورەوگرافيالىق رەداكسياسى سالا مايتالمانى ۆاسيليي مەدۆەديەۆكە سەنىپ تاپسىرىلدى. بىرەگەي شىعارماشىلىق ۇجىمنىڭ ويىن قازاق ۇلتتىق حورەوگرافيا اكادەمياسىنىڭ جاس ارتيستەرى ورىنداپ شىقتى.
فەستيۆال قازاقستان تاۋەلسىزدىگىنىڭ 30 جىلدىعىنا ورايلاستىرىلعان. سونىمەن قاتار ول 19 قاراشاعا دەيىن جالعاسادى. مادەني شارا اياسىندا وففلاين جانە ونلاين فورماتتا جەتەكشى قازاقستاندىق جانە شەتەلدىك حورەوگرافتاردىڭ اشىق دارىستەرى مەن شەبەرلىك ساباقتارى وتەدى.
«وسىناۋ يگى ىسكە اتسالىسۋ مۇاكىندىگىنە يە بولعانىم ءۇشىن التىناي اسىلمۇراتوۆا حانىمعا العىسىم شەكسىز. بۇل جوبانى وسىدان 5 جىل بۇرىن ويلاستىرعان ەدىك. مىنە، بۇگىندە ول جۇزەگە اسىپ وتىر. جالپى سپەكتاكلگە 130 بالا قاتىستى. سونىمەن قاتار ۇمىت بولىپ قالعان بالەتتىڭ 2 اكتىسى قايتا جاڭعىرتىلدى. دايىندىق وتە ۇزاق ۋاقىتقا سوزىلدى. مۋزىكاسى مەن ليبرەتتوسى جازىلىپ، كوستيۋم تىگىلدى، دەكوراسيا ەسكيزدەرى جاسالدى. بالەت مەكتەبى 2 ايعا جۋىق دايىندالدى»، - قويۋشى-حورەوگراف ۆاسيليي مەدۆەديەۆ.