پاندەميا باستالعاندا از ۋاقىتتىڭ ىشىندە 17 اۋرۋحانا سالىنىپتى.
بۇل تۋرالى پرەمەر-مينيستر اسقار مامين مالىمدەدى، دەپ حابارلايدى Almaty-akshamy.kz
ءماميننىڭ ايتۋىنشا، پاندەميا باستالعاندا از ۋاقىتتىڭ ىشىندە 17 اۋرۋحانا سالىندى. اۋرۋحانالار زاماناۋي قۇرال-جابدىقتارمەن قامتاماسىز ەتىلگەن. مەديسينا قىزمەتكەرلەرىنىڭ جۇمىس ىستەۋىنە بارلىق جاعداي جاسالدى. كوروناۆيرۋس ءورشىپ، ناۋقاستار سانى كوبەيگەندە تۇرعىندار سول اۋرۋحانالاردا ەم قابىلدادى.
«جوسپارىمىزدا بۇكىل قازاقستاندا 20 زاماناۋي گوسپيتال سالۋ بار. سول ءۇشىن تۇركيانىڭ تاجىريبەسىن زەردەلەدىك. تۇركياعا ارنايى تۇردە جۇمىس ساپارىمەن بارىپ، سالىنعان گوسپيتالدەردە بولدىم. تۇركيا بۇل سالادا سەرپىلىس جاساعان. قازىرگى ۋاقىتتا قازاقستاندا سونداي مودەلدەردى جۇزەگە اسىرامىز. بۇگىندە مەملەكەتتىك-جەكەمەنشىك ارىپتەستىك نەگىزىندە بىرنەشە گوسپيتال سالىنىپ جاتىر، – دەدى پرەمەر-مينيستر اسقار مامين.