بۇل قارۋدىڭ ەكىنشى نۇسقاسى سانكت-پەتەربۋرگتەگى ەرميتاج مۇراجايىندا ساقتالىپ تۇر.
پاريجدەگى اۋكسيوندا بوناپارتتىڭ تاريحي جادىگەرى 4،7 ميلليون ەۋروعا باعالاندى. فرانسۋز يمپەراتورى ناپولەوننىڭ قىلىشىنىڭ ساتىلعانىن Hotel Drouot اۋكسيون سايتىنا سىلتەمە جاساپ Le Figaro حابارلادى.
قارۋ العاشىندا 700 000 ەۋرودان 1 ميلليون ەۋروعا دەيىن باعالانعان. ءباسساۋدادا ساتىلعان قىلىشقا "ناپولەون ءداۋىرىنىڭ ەڭ قىمبات ارتەفاكتىلەرىنىڭ ءبىرى" دەگەن ەرەكشەلىك قوسا بەرىلگەن.
– بۇل سوما 2007 جىلى 4،8 ميلليون ەۋروعا ساتىلعان مارەنگو شايقاسىنداعى سەمسەر رەكوردىنا جاقىن، – دەپ جازىلعان حابارلامادا.
اۋكسيون ساۋداسىن قىزدىرا تۇسكەن قىلىش ناپولەوننىڭ جەكە قارۋى ەدى. بوناپارت 1802-1803 جىلدارى ۆەرسال مانۋفاكتۋراسىنىڭ ديرەكتورى نيكوليا-نوەل بۋتەگە قارۋعا تاپسىرىس بەرگەن.
ناپولەون I يمپەراتور بولعاننان سوڭ دا بيلىگىنىڭ سوڭىنا دەيىن قارۋلانىپ ءجۇردى. سودان كەيىن عانا قىلىشتى مارشال ەممانۋەل دە گرۋچيگە سىيعا تارتتى. قارۋدى وسىعان دەيىن قولباسشىنىڭ ۇرپاقتارى ساقتاعان.
2021 جىلى بوناپارتتىڭ پارادتىق قىلىشى مەن 5 تاپانشاسى 2،87 ميلليون دوللارعا ساتىلعان-دى. ناپولەوننىڭ بۇل قارۋلاردى 1799 جىلعى مەملەكەتتىك توڭكەرىس كەزىندە قولدانعانى بەلگىلى.