بۇل تۋرالى ونەركاسىپ ءمينيسترى ەرسايىن ناعاسپايەۆ ايتتى، دەپ حابارلايدى aqshamnews.kz
جۋرناليستەر وسىعان دەيىنگى ەكس-مينيستر قانات شارلاپايەۆ ۋتيل الىمعا قاتىستى ۇستانىمىن اشىق ايتقانىن ايتتى. تىلشىلەر ەرسايىن ناعاسپايەۆتان وسى ماسەلەگە قاتىستى كوزقاراسى قانداي ەكەنىن سۇرادى.
"قانات بيسەمباي ۇلى وتە كوپ جۇمىس ىستەدى. ۇكىمەت مۇشەسى، مينيستر رەتىندە پوزيسيام ۇكىمەتتىكىمەن ۇندەسەدى. سوندىقتان ەشقانداي وزگەرىستەر بولمايدى"، - دەدى ەرسايىن ناعاسپايەۆ ۇكىمەت وتىرىسىنان كەيىنگى بريفينگتە.
تىلشىلەر "وتاندىق اۆتووندىرىستە ەكونوم ساناتتاعى ەڭ قولجەتىمدى ءتۇرى قانشادان بولىپ جاتىر؟ ەڭ تومەنگى ايلىق، ياعني 85 مىڭ تەڭگە الاتىن قازاقستاندىق وتاندىق وندىرىستەن ەڭ ارزان كولىك ساتىپ الۋ ءۇشىن قانشا جىل اقشا جيناۋ كەرەك؟" دەپ ناقتىلادى.
بۇل ساۋالعا ونەركاسىپ كوميتەتىنىڭ ءتوراعاسى ازامات پانبايەۆ جاۋاپ بەردى.
"قازاقستاندا اۆتوكولىك وندىرىسىمەن 8 ونەركاسىپتىك كەشەن اينالىسادى. ونىڭ ەكەۋى جەڭىل اۆتوكولىك وندىرىسىنە باعدارلانعان. قوستانايدا جانە الماتىدا ورنالاسقان. جەڭىل ونەركاسىپ بويىنشا ولاردىڭ بىلتىرعى ءوندىرىس كولەمى 134 مىڭ بولدى. ەڭ تومەنگى ساناتتاعى اۆتوكولىك قۇنى 6 ملن تەڭگەگە جۋىق. (…) جالاقى ماسەلەسى ءبىزدىڭ مينيسترلىكتىڭ تىكەلەي قۇزىرەتىنە كىرمەيدى. ءبىراق ماتەماتيكالىق تۇرعىدان الساڭىز، 6 ملن تەڭگەنى 85 مىڭ تەڭگەگە بولەسىز عوي"، - دەدى ازامات پانبايەۆ.